13 Agustus: “Tuk do kuasa ni Naibata pasaudkon bagah-bagah-Ni”

tnt_agu13_bagah2ninaibata

 

“Ai tenger tumang do uhurhu, tuk do kuasa ni Naibata pasaudkon bagah-bagah-Ni”. (Roma 4 : 21)

Domma iparbagah Naibata ijia bani si Abraham, ningon buei do use ginomparni janah marhiteihonsi dapotan pasu-pasu sagala bangsa. Age domma matoras si Abraham pakon si Sara, lalab Iang dong niombahni.

Tapi haporsayaonni mangkatahon: Na dob iparbagah Naibata, tuk do kuasa-Ni pasaudkon ai. Anggo domma iparbagah Naibata, ningon saud ai. Haporsayaonni ai ma ihira Naibata gabe hapintoranni.

Hita pe porlu tumang do manjolom poltik bagah-bagah ni Naibata. Ningon hataonkonta ibagas uhurta: Tenger tumang do uhurhu pasaudon ni Naibata do bagah-bagahni bangku. Anggo makawahkon dirinta, panlanggar do hita bani titah ni Naibata, pardousa do hita, age pe lang talar ididah halak. Ija ma boi Naibata pakon hita anggo dirinta do ididah hita. Tapi boi tenger uhurta bani bagah-bagah ni Naibata. Halani ai sagala bagah-bagah ni Naibata na bani Bibel in, jalo ham ma ai songon bagah-bagah bamu, janah tenger ma uhurmu pasaudon ni Naibata do ai bamu.

Ai do onjolan ni haporsayaon ni si Abraham: Tenger do uhurni bani bagah-bagah ni Naibata. Marlajar ma hita manjolom bagah-bagah ni Naibata, age seng boi ninuhur ni jolma, tapi tarbahen Naibata do marhitei halobihonni.

Tenger ni uhur pakon atok ni uhur bani bagah-bagah ni Naibata, ai ma sada tanda ni haporsayaon. Halani ai pasomal-somal hita ma manjolom hata ni Naibata pakon bagah-bagahni. Lambin poltik ma jolom hita. Tangi ma hita bani hata ni Naibata. Ai si Abraham pe halani na tangi do is bani Naibata ase dapotsi age bagah-bagah na banggal ai.

Naija ma bagah-bagah ni Naibata ijolom ham, porini marujung goluhmu hun tanoh on? Ai lang iparbagah do boanonni hita das hu hagoluhan na sadokah ni dokahni? Ai ma jolom ham.

Ham Tuhan Naibata! Ipatugah hatamu do: Daroh ni Tuhan Jesus do paborsih hanami humbani haganup dousanami. Urupi Ham ma hanami manjolom bagah-bagahmu ai, pasaudonmu do ai. Amen.

Haleluya No. 131: 1,4: Hosah-Ni do Binerehon >

1. Hosah-Ni do binerehonni Tuhan Jesus in,
manobus hita on iben layak-Ni in.
I dolok Golgata; igalar do utangta in bai Tuhan Naibata
Bai Tuhan Naibata.
4. Ai pe ihutkon ma tongtong Siparsan dousamin;
Sadokah ho i tanoh on, pabujur uhurmin.
Patunggung ma Tuhanta in, sa puji-puji ma.
Daroh-Ni na mapansing in, tobusmu na harga,
tobusmu na harga.

14 Agustus: On ma dasar ni sosial sibagasan >>

<< 12 Agustus: Masuki ma horbangan na sompit in

tnt160813

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s