23 Agustus: Panorang Panohuan ni Naibata

tnt_agu23_panorangsitaronon

 

Ai na roh ma use ari hu bamu, hubuon ni munsuhmu halani na so ibotoh ham panorang ni Naibata manohu ham. (Luk. 19 : 43.44)

Bani ganup halak dong do panorang ni Naibata manohusi. Roh do Naibata mandohori uhurni, mangojursi mangindahi na i baou ai. Boi do ai marhitei malas ni uhur, boi humbani pusok ni uhur. Boi do ai mangidahi pardongni na so totap na i tanoh on mangindahi na totap namin. Boi homa marhitei sitaronon atap naborit na parah, atap sahit mardondon. Boi do homa mangidah na jut atap na golap bani goluhni, manungkun uhurni: Sonaha anggo roh parturiakan humbani Naibata? Na dob mambere talenta in?

Boi marhitei naborit roh Naibata manohu ham. lahap ham ma lamlam-Ni roh nanget malas ni uhurmu, roh pangarapanmu Tuhan Jesus do Sipaluh, sipadamei uhur.

Tapi na sangkan boi marhitei hata ni Naibata na binogeimu, mangonai hubagas uhurmu gabe tartogu uhurmu dompak Naibata. Tapi maningon tangi do diri. Pangalaman na sonai ai ma panorang panohuon ni Naibata banta

Tapi sihabiaran do anggo lang nabotoh panorang ni Naibata manohu diri. Ai roh do holi panorang parturiakan, lang dong be jabap, sip mando. Tapi martuah ma na mangahapkon roh Naibata mano-gusi humbani dousa pakon hamatean dompak hagoluhan na sadokah ni dokahni. Martuah ma halak sisonai ai, ai saud ma ia mulak hu bani Naibata.

Pindoon ma bani Naibata, ase tangi janah ibotoh hita panorang panohuon ni Naibata banta, marhitei aha pe ulang magou hita halani lanseita. Ase porlu do hita mamilang-milangi sagala na masa banta anjaha mamingkiri: Aha do nani tujuan ni Naibata marhitei na masa on? Sai dapot balos do hita, na mambobai uhurta mangkawah dompak Naibata.

Ham Tuhan Naibata! Maidop ma uhurmu bangku, sai pabotohkon Ham ma torang panorang panohuon-Mu bangku, ulang marlansei ahu. Roh ma Ham hu bangku ase roh ahu hu Bamu. Amen.

Haleluya No 134: 1, 2: Ambit Lang Ham Rupeihu, ale Jesus >>

1. Ambit lang Ham rupeihu ale Jesus,
jaha daroh-Mu manghakui ahu
mintor huja ma ahu na mardousa, marhaporusan.
2. Ai seng be dong na songon Ham Tuhanku,
na parlunggarhon pusok ni uhurhu;
Sahalak ham do sipasonang ahu, hagoluhanku.

24 Agustus: Seng Ipaksa Yesus Hita >>

<< 22Agustus: Pasu-pasu Humbani Horja

tnt160823

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s