24 Agustus: Seng Ipaksa Yesus Hita

tnt_agu24

 

“Dob ai ihatahon jesus ma dompak na sapuluh dua ai: Naha atap na dihut do nani hanima sihol misir”? (Johanes 6 : 67)

Buei ma humbani susian ni Tuhan Jesus na laho misir, lang rap be pakon Tuhan Jesus. Jadi idompakkon ma na sapuluh dua in, mangkatahon: “Atap na dihut do nani hanima sihol misir?”

Mardeka do susian ai anggo sihol misir, seng ipaksa Tuhan Jesus, seng ijamai. Parroh ni sidea pe gabe susian ni Tuhan Jesus, seng ipaksa Tuhan Jesus, sonai do homa anggo sihol misir sidea.

Sonai do age hita susian sonari, na gabe Kristen on, sedo na pinaksa. Dob porsaya hita bani Tuhan Jesus na mangkopkop hita, tardidi ma hita. Tapi deba dob lambin dokah lambin lupa ma bani Tuhan Jesus, lang be songon Kristen parlahouni, itadingkon ma Tuhan Jesus.

Sonari isungkunkon sungkun-sungkun ai hu bamu pakon bangku:”Dihut do nani hanima sihol misir?” Dong ma deba na surut. Lobei ipindahi do Naibata janah dapotsi, dob ai itadingkon ma bani panorang parlajouan. Lambin daoh ma ia humbani Naibata.

Ulang matengertu uhurta bani dirinta, ra putus do namin uhurta mangkatahon: “Seng anjai tadingonkonku Sipaluah ahu”. Tapi ulang ham lupa sada humbani susian ni Tuhan Jesus na sapuluh dua ai do si Judas sedo pitah itadingkon Tuhan Jesus, tapi itahihon ope, itahihon guruni.

Hita pe maningon jaga do, sai dong do parmaraan na mambahen hita madabuh, sirang humbani Tuhanta, atap sitaronon ma ai. Golpa-golpa ma sungkun-sungkun ni Tuhanta banta bei. Ulang tenger uhurta bani gogohta sandiri. Bere hita ma uhurta bani Tuhanta, pindahi hita ma bohi-Ni bani tonggonta, pindahi hita ibagas hata-Ni, pindahi hita ibagas Sakramen Na Pansing in. Jolom hita ma Tuhanta, ase lambin malas uhurta, ase rap hita pakon-Si, gabe idahonta ma Ia dumpar, gabe gok ma malas ni uhurta.

Tor hubani ise ma hanami laho Tuhan, ai Bamu do hata hagoluhan na sadokah ni dokahni. Domma ihaporsajai anjaha itandai hanami Ham do na susi ni Naibata. Amen.

Haleluya No. 113 : 1,3: Asal Rap Ampakon Tuhan Jesus Au >>

1. Asal rap ampakon Tuhan Jesus au.
Sadokahni mangiankon tanoh hasusahan au.
Sonang do uhurhu, ai hubotoh Jesus hasomanku.
3.Sonang do uhurhu rapkon Jesus in.
Ai isasap do dousangku, ipatorang langkahkin.
Ase ulang magou tonduyhin bahenon ni pangagou.

25 Agustus: “Ai Bamu do Hata Hagoluhan” >>

<< 23 Agustus: Panorang Panohuon ni Naibata

tnt160824

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s