26 Agustus: Paujungonni Jahowa do Horjani Ibagas Dirinta

tnt_agu26_horjaninaibatabanitonduytaq

 

“Sai paujungon ni Tuhan Jahowa do manramotkon ahu”. (Psalm 138 : 8)

(Bani Terjemahan Baru ihatahon: “Jahowa do na pasaloseihon bangku. Ham Jahowa, ronsi sadokah ni dokahni do idop ni uhurmu. Ulang ma tadingkon Ham jadi-jadian ni tangan-Mu

Dear ni ai hu bangku, sedo sahalak ahu manjaga ahu, atap aha pe na masa, horja na dob pinungkah ni Naibata bani tonduyhu iramotkon do. Sai sihol parsedaon ni na jahat do ai. Tarima kasih ma bani Naibata, seng itadingkon ahu. Naibata do hasomanku. Paujungonni (dobonkonni) do horja na dob ipungkah bani tonduyhu, ibagas diringku.

Seng songon jolma Naibata. Jolma seng tarbahen tongtong mangurupi hita. Holong ni uhur ni jolma pe marsibar do. Tapi holong ni uhur ni Naibata torus do ronsi das hu hagoluhan ni sadokah ni dokahni. Sai ijalo uhurta ma hata ai: “Sai paujungon ni Jahowa do manramotkon ahu”

Anggo mangkawah diri bani hadirion diri sandiri, dousa pakon sagala hahurangan diri, seng tarbahen be maluah diri. Idop ni uhur ni Naibata tumang do hansa na boi manramotkon ahu. Ase horja ni Naibata do na maningon marujung ibagas dirinta. Hataonkonta ma bani Tuhanta Naibata: “Ham Tuhan Naibata! Halak pardousa do ahu, paruhur dunia on. Tapi ulang tadingkon Ham ahu, ai seng na marpunsa idop ni uhur-Mu. Horja na dob ipungkah Ham ibagas diringku, domma iparbagah Ham maningon dobonkon-Mu do. Gok Bamu ma ahu”.

Halani ai ulang be ilopas hita ituhangi na legan uhurta, ulang itopa na legan: habotohon atap arta tanoh on atap uti-utian ni dunia on. Tangihon hita ma panogu-noguon ni Tuhanta. Tarehon hita ma parpalu, kihir ni Naibata manuhangi hita, ase tarpakei hita bani harajaon-Ni magira ai.

Domma dong haporsayaon ibagas uhurta. Naibata do na mambere haporsayaon ai banta. Naibata do na mamungkah ai ibagas uhurta. Dobonkon-Ni do ai, seng sagang haporsayaonta paturuton ni Naibata, pasayuronni do ai das hubani na marbuah.

 

Ham Tuhan Naibata! Ipuji hanami ma goran-Mu, halani na dob ipungkah bani horja-Mu ibagas uhurnami, janah iparbagah Ham do dobonkon-Mu do ai, ramotonkon-Mu do. Amen.

Haleluya No. 138:1,3: Jahowa Naibatanta Do >>

1. Jahowa Naibatanta do, tarbaen batar-batarta
Munsuhta ningon talu do, ibaen parlingodanta
Ai anggo munsuh in, sibolis gorannin,
bajan do akalnin parseda jolma in, seng dong na pag mangkubu.
3. Gok pe habiar tanoh on, laho mandorab hita .
Ulang mabiar hita on, ai ningon monang hita.
Age manggila pe, sibolis banta bei,
seng habiaran be; Ai ‘ge sa hata pe,
kuh do manaluhonsi .

27 Agustus: “Jaga ma nasiam….maruhur jahat” >>

<< 25 Agustus: “Ai Bamu do Hata Hagoluhan”

tnt160826

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s