29 Agustus: Hapintoron-Ni gabe Hapintoranku

 

“Age pe lang dos pardousaon ni sidea songon si Adam, usihan ni na laho roh ai”. (Roma 5: 14)

Seng tarpatudos namin si Adam hubani Kristus, tapi suhar-suharni do. Humbani si Adam itean jolma do dousa pakon hamatean, sunsah ni uhur pakon uhur na jahat. Humbani Kristus itean na porsaya do hapintoron pakon damei ampa malas ni uhur.

Palegan-legan do homa parlahou ni na manean ai. Na manean dousa ai situndali Naibata ma ai, seng sipambalosi be. Na manean humbani Kristus, sijalo hasasapan ni dousa pakon hapintoron ma ai, ijai ma damei pakon malas ni uhur. Sipambalosi ma ai bani Kristus. Tapi dousa bani na so mambalosi ai, margogoh do ai mambahen dalit dousa ai bani hasomanni, ase dihut ai lang be mambalosi Naibata: lang be mambalosi Kristus.

Dong do na ginoranan ai iahap bani ibagas uhurmu? Ijalo ham do idop ni uhur gabe mardamei ham pakon Naibata marhitei Jesus Kristus? Jesus Kristus ma si Adam na paduahon. Sonaha humbani si Adam na parlobei itean hita do dousa, hamatean, panlanggaron, pusok ni uhur, uhur na golap, uhur na jut, biar bani uhum ni Naibata.

Tapi sonari domma gabe panean ham bani Kristus na sinuruh ni Naibata, domma ijalo ham hasasapan ni dousa, haanakon bani Naibata ampa hapintoron marhitei haporsayaon bani Kristus ai. Ase songon marhitei sahalak (Adam parlobei) gabe ganup mardousa, sonai do marhitei sahalak (Adam paduahon) ganup ipintori.

Sonari mardeka do ham mamilih harosuhmu. Humbani si Adam parlobei do teanonmu, ai ma dousa pakon hamatean, tapi humbani si Adam paduahon (Kristus) hapintoron do pakon hagoluhon na sadokah ni dokahni.

 

Ham Bapanami nami na inagoriatas! Urupi Ham ma ahu, ase totap iakuhon uhurhu pangkopkopon ni Kristus bangku, manasap dousangku janah mamberehon hapintoron-Ni gabe hapintoronku. Amen.

Haleluya No. 115: 1, 4, 6: Sadokah Ho i Tanoh On >>

1. Sadokah ho i tanoh on papintor uhurmin
Padingat-dingat ma tongtong nidok ni Tuhanmin
4. Ambungkon humbai uhurmin na so margagan in
Ganup na humbai Tuhan in ramot ma jaga in
6. Ai Ia do padomu ho hu bani Naibata
Daroh-Ni iduruskon do i dolog Golgata

30 Agustus: Gijang ni Uhur: Seng Dos Ahu Pakon Sianu >>

<< 28 Agustus: Panandaon Diri pakon Rosuh ni Naibata

tnt160829

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s