9 Agustus: Manaron rap pakon Kristus

tnt_agu9_rom8_17

 

“Anggo anak do hita, panean ma homa hita bani Naibata, hasoman panean ni Kristus, anggo rap manaron do hita pakon-Si, rap ma hita pakon-Si ibagas hasangapon-Ni”. (Roma 8:17)

Ia jaminan bani anak ni Naibata parmasuk-Ni hu nagoriatas, ai ma anggo rap manaron ia pakon Tuhan Jesus i tanoh on. Sedo ganup Kristen na marsitaronon, na manaron ma ai rap pakon Kristus. Anggo manaron hita marpartahankon hasangapon ni Naibata pakon Kristus, ai ma na manaron rap pakon Kristus mangkopkop goran-Ni.

Ra do bai goluhta songon na jongjong i sirpang hita. Anggo iporsou hita Tuhanta, atap iparnalang hita, sonang janah manggoluh ma hita. Tapi anggo iakuhon hita Tuhanta janah isaksihon hita Ia, sunsah atap maningon matei ma hita. Bani hasunsahan sisonai ai ma manaron hita rap pakon Kristus.

Halak na porsaya na manaron halani manaksihon Kristus, bani sisonai do bagah-bagah na tarsurat iatas on. Sada sibere-bere na banggal do ai anggo masa bani goluhta, sisonai na songon jaminan ihatahon Tuhanta gabe rap ma hita pakon-Si i hasangapon.

Bani piga-piga nagori masa do ai dunia on bani parburuon Kristen: Anggo iparnalang Kristus manggoluh (selamat) ia, tapi anggo isaksihon bunuhon ma ia. Tapi ingatonta, anggo seng somal hita manaksihon Tuhan Jesus, sanggah marsonang-sonang (sanggah aman), seng anjai pag hita manaksihonsi sanggah panorang hasunsahan, panorang sosak hita.

Halani ai porlu pasomalonta manaksihon Tuhanta ibagas panorang na aman. Jadi age sanggah manaron hita holi ipargogohi Tuhanta ma hita manaksihon-Si, age manaron hita songon Kristus manaron rap pakon Kristus.

 

Ham Tuhan Jesus! I lambungnami ma Ham sanggah mamilih langkahnami, ase pag hanami manaron halani Ham, bahen hasangapon-Mu. Amen.

Haleluya No. 110:1,2: Payah ai Tungkis Tumang >>

1. Payah ai tungkis tumang dalan hu nagori atas.
Tapi martuah tumang halak na ijin mamontas.
Mangirikkon Jesus in, torus hu ujungni in.
2. Upah sibanggalan in dapot na bujur uhurni.
Na mangimbang dousa in pakon hisap nidagingni,
Pitah holong-Mu do in, boi manasap dousangkin.

10 Agustus: >>

<< 8 Agustus: Seng Ihalupahon Naibata Hita

tnt100809

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s