April 26: Ongga do Ibilangi Ham ai?

 

Nasiam dakdanak tangihon nasiam ma orangtua nasiam (ibagas Tuhan in) ai do na pintor. Pasangap ham bapa pakon inangmu, ai do titah na parlobei marhasoman bagah-bagah”. (Epesus 6 :1,2)

 

“Domma salpu, lang be tarulaki” Sonai gati hata solsol ni uhur ni niombah ilambung tanoman ni orangtuani, bapani atap inangni. Idingati ma atap sonaha dear ni bapani atap inangni sanggah goluhni. Ipukpukkon do dirini mangkopkop niombahni, mansarihon niombahni. Nape iahap ma hurang tarima kasih uhurni dompak namatorasni na matei ai, sanggah bani goluhni. Idingati homa sonaha sahapni pakon parlahouni gati mambahen pusok ni uhur ni namatorasni. Seng tarulaki be domma salpu. Sihol pe atap aha bahenon seng tarbahen be, domma misir ia janah seng mulak be. Domma tarlambat!

Tapi ham na mambasa atap na mambogei hata on ibasa, anggo manggoluh pe orangtuamu, ai lang ra ma ham mambahen na madear bani paima tarlambat? Ai lang ra ma ham mangkaholongi sidea orangtuamu ai?

Bahen ham ma malas ni uhur ni orangtuamu mangidah ham. Marosuh do Naibata bani parlahou ai, ai sonai do nini titahni marhasoman bagah-bagah.

Anggo ipungkah ham maruhur sonai malas do uhur ni Naibata ijai, ra do Ia mangurupi ham mandalankon harosuh-Ni ibagas goluhmu ari-ari. Gabe malas ma uhur ni orangtuamu mangidah ham.

Orangtuanta do wakil ni Naibata pagodang-godang hita. Na so mambotoh ari na udan ari na golap laho mansarihon hita, hun partapaan nari ompas hu dasor ronsi banggal. Ongga do ibilangi ham ai?

Buei do hudidah ibagas goluh on na so mangkormat orangtuani. Ibagas masyarakat pe seng torsa langkahni. Tontu seng dear uhur ni Naibata mangidah halak sisonai ai.

 

Ham Tuhan Naibata! Ajari Ham ma hanami martarima kasih bani orangtuanami sanggah manggoluh ope sidea. Ase malas uhurni mangidah hanami. Ulang namin tarlambat pangkaholonginami bani sidea. Amen.

Haleluya No. 46 : 2, 3: Satahun Use Ma Surutni >>

2. Porini matei au sonari, huja ma nani tonduyhin?
Bia hasonangan holi nani rap pakon na mapansing in?
Mamuji Naibata do ahu, ibaen holong ni atei Niin
Atap na hona uhum ahu bai apuy na so miloh in
3. Porini matei au sonari, huja ma nani tonduyhin?
Bai hasonangan holi nani rap pakon na mapansing in?
Mamuji Naibata do ahu, ibaen holong atei-Ni in.
Atap na hona uhum ahu bai apuy na so miloh in?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s