April 30: “Roh do Ahu, ase dong hagoluhan bani sidea”

tnt_april30_joh10_10.jpg

 

“Tapi anggo Ahu (roh) ase dong do hagoluhan bani sidea”. (Johannes 10:10)

(Terjemahan baru, 1976, “Roh do Ahu, ase dong hagoluhan bani sidea”)

Marhitei Kristus do ijalo hita goluh partonduyon. Anggo seng ijalo hita goluh humbani goluh ni Tuhan Jesus, sirang ma hita humbani Naibata, jaloonta ma hamatean lalab upah ni dousanta. Seng dong parombouta mangombou goluh na sadokah ni dokahni. Seng dong gogohta paluahkon dirinta humbani dousanta. Porini dong pe horjamu na madear ninuhurmu, ingat ham ma marlapu dousa do ai haganupan.

Ambit na boi do ipaluahi jolma dirini humbani dousa, mase pala isuruh Naibata Tuhan Jesus, Anakni ai hu dunia on, pala das hu hamatean na so ingkat salahni dob manaron na marsik.

Seng dong jolma na boi mambahen goluh partonduyon ai, Naibata do hansa. Ase boi ibere goluh na baru bani jolma, ningon roh Tuhan Jesus hu dunia on, nini: “Tapi anggo Ahu (roh) ase dong hagoluhan bani sidea”.

Ase seng dong pangunsagaonkon ni jolma horjani na madear. Atap na dob martahun-tahun do ham ijajah titah, ulang be nunut ham mandalani dalan ai, seng iboan ai ham bani Naibata. Roh ma ham bani Tuhan Jesus, jalo ham ma hatuahon binere-Ni. Ai roh pe la ase manggoluh do hita, sonai do nini.

Urah do ahaponkonmu ai, anggo ijalo ham Jesus ibagas uhurmu, Tuhan Jesus marianan ibagas uhurmu. Jadi daoh ma uhur na galek, uhur na mandolei. Ase mintor ipagoluh Tuhan Jesus do uhur ni niiankonni. Roh ma hinsah ni uhur ampa megah ni uhur ibagas Tuhan in.

 

Ham Tuhan Jesus Sipagoluh hanami! Pagoluh Ham ma uhur-Mu pakon tonduyhu, sai daoh ma uhur na galek. Bere Ham ma goluh-Mu bani goluhku. Ai ma sambatonku magira i lobei-Mu. Amen.

Haleluya No. 149: 1. Ham Sipagoluh Au >>

1. Ham Sipagoluh au parayak Ham au on.
Sai ulang Ham mandaoh humbagas uhurhon.
Roh Sipagoluh roh tongon, baen Ham au Anak-Mu tongon
Bani daroh-Mu usah au, putih songon bunga ma au
Putih tongon, putih tongon,
bani daroh-Mu usah au, putih songon bunga ma au.

tnt160430

Advertisements