1 Desember: Na porlu banta mambuha uhurta do

tnt_des1

 

 

Atap ise na mambogei sorang-Ku anjaha iungkab labah ai masuk ma Ahu hubani, mangan ma Ahu rap pakon-Si anjaha ia rap pakon Ahu. (Pangukabon 3: 20b)

Seng dong na mangolat Tuhan Jesus masuk hubagas uhurta, asal ra hita, mambuka uhurta Bani. Dousanta seng boi mangambat-Si masuk, ai domma matei Ia halani dousanta, hagalekonta pe mambahen na madear, seng boi ai mangambatsi hubagas uhurta, ai roh do Ia mambobai hita mandalankon harosuh ni Naibata.

Hurang ni haporsayaonmu pe seng boi mangambat-Si, ai roh do Ia patorangkon holong ni atei ni Naibata bamu, ampa mangajari ham ase porsaya bani Naibata. Lang pe sadiha itanda ham dousamu, seng boi ai mangambatsi, ai na roh do Ia mangajari ham ase tangkas itanda ham dousamu.

Sada do na porlu, buhai ham uhurmu ase masuk Tuhanta hubagas uhurmu bahen, ham kamar ni Tuhan Jesus ibagas uhurmu. Pindo ham ma Tonduy na Pansing bamu ase iarusi ham na sihol masuk Tuhan Jesus hubagas uhurmu. Paturut ma Ia masuk, jadi lambin porsaya ma ham bani Naibata, ijai sihol mambalosi (mangidangi) Naibata ma, mangidangi Sipaluah ai.

Mansuhuni uhurta ai do mangolat hita manggoluh rap pakon anak ni Naibata. Tonduy na Pansing ai do hansa mangarusi hasintongan on. Anggo sihol arusanmu do ai Tonduy ai ma pindo ham. Roh ma ham bani Naibata sopotkon ham dousamu, pindo ham idop ni uhur ni Naibata, dob ai ra ma Tuhan Jesus masuk hubagas uhurmu, lambin tarusi ham ma harosuh ni Naibata.

Na porlu banta mambuha uhurta do. Siap ibogei hita ambilan hata ni Naibata atap ibasa hita hata ni Naibata, pahibul hita ma uhurta hujai, pongkut ma Hata ai tangihon hita humbani tongon ni uhurta. Porlu ganup kababah hata ai das bani pangarusion ni uhurta, ase siat hubagas uhurta. Tagang ham ma hotak ai Tuhan Jesus ibagas uhurmu.

Guruhon hita ma mangihut-ihut tonggo i partonggoan ampa i gareja, ase dihut ham simada tonggo ai. Parlajari hita ma mandoding na sintong, artini iihutkon uhurta do tangkas hata ni doding ai. Ulang (suali) pamanganta hansa marsahap, maningon dihut do uhurta.

 

Ham Tuhan Jesus! Urupi Ham ma ahu manjalo Ham hubagas uhurhu mambalosi pakon mangidangi Ham. Amen.

Haleluya No. 8: 1,3: O Jesus Hasomani >>
1. O Jesus hasomani hanami haganup
Pasada uhur nami, ase torang ganup
3. Sai Ham hasomannami, ase ganup jorei.
Ganupan munsuhnami, mangunduk talu bei.

Advertisements