7 Januari: Ibere do Gogoh Bani na Lang Margolle

tnt_jan07_jes40_29

 
Ia (Jahowa) do mambere gogoh bani na loja anjaha ipargogohi botul na so margolle. (Jesaya 40: 29)

Dua pahara do na loja, dua pahara do na so margolle, ai ma badanta loja halani marnunut marhorja, uhurta pe ijai do marnunut janah marompot marpingkir. Atap aha pe ihorjahon hita atap ipingkiri hita loja do, ai ma biak ni dunia on. Ia na so margolle badan atap uhur, atap halani naborit atap hurang ni sipanganon.

Bani na dua pahara ai ibere Naibata do gogoh, ipargogohi do hita. Ipargogohi Naibata do na so margolle, na loja. Ibahen inang do tambul arian bani upahanni ari-ari hira pukul 3 arian, age pe seng ipadankon hinan. Tujuanni ase margogoh upahan ai marhorja ijumani.

Tontu seng ibere Naibata gogoh halak na loja manangko atap na loja uhurni manguhuri dalan na so sintong. Tapi na loja halani mandalankon harosuh-Ni, na loja halani mandalankon harosuh ni Naibata. Bani halak ai do bagah-bagah na maharga ai.

Hata in ma pamalas uhur ni hita Kristen mandalankon harosuh ni Naibata tarlobih marhorja itongah-tongah ni kuria ni Naibata.

Ia lambin surut gogohmu pindo ham ma gogoh bani Naibata, pargogohan-Ni do ham. Atap lang be margolle pamatang atap tonduymu halani horja ibagas harajaon ni Naibata, tenger ma uhurmu patogaron ni Tuhanta do ham.

 

Ham Tuhan Jesus! Pagolpa Ham ma ahu ibagas halojaonku pakon ibagas na so margolle ahu, ase puho uhurhu mardingat bagah-bagahmu, bereonmu do gogoh bangku. Amen.

Haleluya No. 107: 2, 5: Irikkon Nasiam ma Au >>
2. Au do palihar dalanmin, na dompak hagoluhan;
Ai seng be kahou langkahmin, daoh pakon hamagouan.
Au parhiteian na bujur, bai hasonangan na botul!
5. Seng na tarbaen hanami in, ipingkir uhurnima;
Ulang mabiar halanin, Au do hasomannima.
taluhonon-Ku munsuh in, tenger uhurmu pasal in.

Advertisements