13 Juli: Mardosa Marhitei Dilah

tnt_juli13_dosa_dilah

 

Apuy do dilah in, dunia ni hagedukon, sonai do dilah ai itongah-tongah ni pagorinta, ipabutak do haganup angkulanta anjaha inahiti ganup panggulmiton ni goluhta, ai ia sandiri pe ninahitan ni apuy naraka do“. (Jakobus 3:6)

Dilahta pe gati do iramotkon Naibata, ase ulang mardousa. Sipindoon do homa partolongan ni Naibata pasal ai, ai gati tumang do hita mardousa marhiteihon dilahta. Halak na jahat manluarhon hata na sambor, hata na balad, na sugad, na senganga marhitei dilahni.

Halak na hertep pe dilahni do ipakei manrisai hasoman pakon pahiri hasoman.

Halak panipu pe dilahni do ipakei manipu hasomanni, gati do ipakei halak dilahni martujuan dompak naraka.

Lang dear sonai. Ulang hata na butak haluar humbani pamanganta. Lambat ma hita marsahap. Ulang bueitu sahapta. Anggo manggila hita seng maratur be hata ai namarhon. Gaor do, halani hatanta dompak sindohor marseda parsaoran. Ningon sungkunonta do tong: Sintong do hatangkai? Atap dong marladung, ham dompak hasomanmu? la isahapkon hita atap aha, halani holongta do ai atap Lang?

Bujur janah sintong ma balosi hita sungkun-sungkun ai. Tontu iahap hita do hahuranganta pasal ai. Pindoonta ma hubani Naibata, ase ipahurang hatanta, atap ipasip hita anggo seng marguna hatanta ai. Dilahta do mangkatahon na dear pakon na sambor, halani ai parah do jagaon dilah on.

Aha do tujuan ni Naibata bani dilahta? Ase gabe dilah susian ni Tuhan Jesus, na pamalaskon uhur ni hasoman pakon mamuji Naibata.

Ibotoh hita boi do bahenon ni hata sangkababah mambahen maringor jolma, tapi boi do homa hata na sangkababah mambahen mardamei age na maringor hinan. Songon jambu omas iatas ni pinggan pirak do hata na maratur janah na marisi hata ni na maruhur. Palobei nadilat bibir ase naluarhon hata, nini na matua. Artini palobei napingkiri sonaha holi pangkorhon ni hata ai anggo huluarhon? Dob torang dapot timbangan, na madear do dapotni, dear ma naluarhon.

 

Ham Tuhan Naibata, Bapanami na i nagoriatas: Gati do hanami mardousa marhitei dilahnami. Ipindo hanami holong ni atei-Mu, ase isi ni sahapnami na roh humbani holong ni ateinami bani husoman ma. Amen.

Haleluya No 46: 1,2: Satahun Use Ma Surutni >>

1. Satahun use ma surutni, surut homa ma umurhin
Naha do au na sain dokahni, margagan do parlahouhin
Ganda do haporsayaonku ‘ge holong ni ateihu pe
Bai Jesus pakon Naibatangku, ‘pa bai hasomankin ale
2. Porini matei au sonari, huja ma nani tonduyhin?
Bia hasonangan holi nani rap pakon na mapansing in?
Mamuji Naibata do ahu, ibaen holong ni atei Niin
Atap na hona uhum ahu bai apuy na so miloh in

14 Juli: >>

<<12 Juli: Pambalason

Catatan:
(Terjemahan baru Jak 3:6 nongkan: “Apuy do age dilah in. Dunia na gok hagedukon do dilah in itongah-tongah ni pagorinta, ipabutak do haganup dagingta anjaha ipagajag panggulmiton ni goluhta, marhitei apuy na roh hun naraka”.)

tnt160713

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s