17 Juli: Aha do Dousa?

tnt_jul17_dousa

 

Ai sagala na so tubuh humbani haporsayaon, aima dousa”. (Roma 14: 23)

Ganup halak Kristen masihol do manggoluh rap pakon Kristus, manggoluh bani Kristus. Ai manggoluh ia bani Kristus do matei pe ia bani Kristus do.

Halani ai sihol pakeonni do goluhni mangidangi Jesus Kristus. Ra do halak Kristen mangihutkon rosuh ni Kristus. Ai sagala na hinorjahonni na so humbani haporsayaon, dousa do ai.

Seng ibotoh hita tangkas atap naija harosuh ni Tuhan Jesus halani ai pindoonta do bani Naibata ase ipabotohkon hu banta harosuh ni Tuhan Jesus. Ase anggo laho mandalankon age aha hita, sungkunonkonta ma: Mardomu do on bani harosuh ni Tuhan Jesus? Mardomu do bani uhur ni Naibata?

Dapot do balosni ai humbani hata ni Naibata na dob tarsurat bani Bibel (Padan na basaia pakon Padan na baru). Sungkunonta ope: Ra do Naibata mangkasomani ahu mandalankon on? Anggo seng ra Ia ninuhurta, dousa ma ai. Tapi anggo dong pingkiran atap sura-sura na roh humbani haporsayaon bani Naibata pakon Tuhan Jesus, ai lang be ai dousa.

Tiruanni porini: Dong sura-sura sihol mangarahkon hasoman bani harajaon ni Naibata, ase manggoluh hasoman, ase marmulia Naibata. Pingkiran sisonai ai tubuh humbani haporsayaon ma ai, lang be ai dousa, na madear ma ai. Tapi porini roh uhur ni halak mangkatahon sonon: Marambilani ma lah ahu ase songon evanggelis ahu ihira halak, ase tunggung ahu i kuria in. Sisonai sedo na roh humbani haporsayaon, na roh humbani gijang ni uhur do, anggo ai dousa ma ai.

Pindoonta ma hubani Naibata, ase ibere banta haporsayaon na pitah, na so marlampis, na patubuh sagala horja na madear, na so marsaor dousa. Haporsayaonta na marhatongonkon pangkopkopon ni Tuhan Jesus banta: Na manaron na marsik Ia pala matei tarsilang, ase maluah hita humbani dousa pakon gomgoman ni sibolis.

Ai ma haporsayaon na sintong ai. Sagala horja na pinatubuh ni haporsayaon, ai na madear ma ai.

Ham Tuhan Jesus! Patuhuh janah pabanggal Ham ma haporsayaon bannami, ase mardalan goluhku romban bani harosuhmu. Sagala horjangku, roh namin humbani haporsayaonku. Amen.

Haleluya No 115: 1, 3, 4, 5: Sadokah Ho i Tanoh On >>

1. Sadokah ho i tanoh on papintor uhurmin
Padingat-dingat ma tongtong nidok ni Tuhanmin
3. Buei do hadearon ni bah tubuh in tongtong
Pausih dirimin hujin baen uhurmin sintong
4. Ambungkon humbai uhurmin na so margagan in
Ganup na humbai Tuhan in ramot ma jaga in
5. Sai tiru Tuhan Jesus in na roh mangkopkop ho
Pambaen-Ni ge hata-Ni in hagoluhanmu do

18 Juli >>

<< 16 Juli: Manggoluh Mangihutkan Rosuh ni Naibata

tnt160717

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s