18 Juli: Goluh na Romban Bani Podah

tnt_juli18_parlahou_podah

 
“Jadi ham na mangajari na legan, ai seng iajari ham ba bamu” (Roma 2 : 21)

Gati do masa, halak na mandalankon pangajaran bani na legan, lupa mangajari dirini sandiri. Inang na mamodahi niombahni ulang mamurai, tapi ia sandiri mamurai do. Saudagar mamodahkon bani langgananni ulang manipu, tapi ia sandiri manipu do. Ipodahi inang do niombahni ase sintong-sintong hape is sandiri marladung. Guru pe mangajari anak sikolahni ase bujur-bujur hape guru ai sandiri martorap manggila-gila.

In ma sada hahuranganta bani goluh on. Ai ma ase porlu do hita manungkunkon: “Ham na mangajari na legan, ai seng iajari ham bamu?” Mardomu do sipaingatmu bani na legan hubani parlahoumu sandiri? Romban do parlahoumu bani podah ni Kristus? Manggoluh do ham ibagas Kristus? Anggo sonai pangkorhonni gabe dear do goluhmu romban bani podahmu.

Anggo Tuhan Jesus, dos do parlahou-Ni pakon podah-Ni, parlahou-Ni do ipodahkon, podah-Ni do iparlahouhon.

Iajari ham do bamu? Sungkun-sungkun na sonai ai porlu ibalosi hita ilobei ni Naibata, ase lambin romban parlahouta pakon hatanta bani harosuh ni Tuhanta. Hita sipangajari: orangtua, guru, pandita, sintua, bibelprou, guru sikolah Minggu pakon ganup sagala sipangajari, ingatonta ma mangajari dirinta. Ase dosdos (tibtib) ganjang ni podahta ampa parlahouta.

Gati do ganjangan podahta ladur, tapi parlahouta tading (pondoktu) marimbang podahta ai. Urahan do mangajari na legan, tapi payahan do mangajari diri sandiri. Halani ai ulang hampung uhurta pasal ai. Atap na sintong podahta atap lang, hata ni Naibata do ukuranni (guruni).

Halani ai sagala sipodahonkonta atap siajarankonta, dompak dirinta ma ramot napahona. Sagala podah na maharga na pinodahkonmu, ham ma na parlobei dapotan dob ai pe ase nariajaranmu.

 

Ham Tonduy na Pansing ni Naibata! Ajari Ham ma ahu mangajari diringku, ase porlu huparimbagaskon lobei podahku, baru pe hupodahkon bani siajaranku. Amen.

Haleluya No 107: 1,3,6: Irikkon Nasiam ma Au >>

1. Irikkon nasiam ma Au, nai hatani Tuhanta
Sai parnalang ma dirimu, hatangku malah harga
Sai mambur bahenlah ganup, parlahoumin na so talup
3. Hupatuduhkon dalan in, sisimbilonkonnima,
Ganup geduk ni uhurrnin sipaubahon nima;
‘Se tong pansing ma tonduymin, ronsi rotap ni hosahmin.
6. Na manghargahon hosahnin, in do mansedahonsi;
Sagala na marnalang in, in do pagoluhkonsi.
Na so mamorsan silang in, na so talup be Bangku in.

Juli 19:

<< Juli 17: Aha do Dousa?

tnt160718

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s