20 Juli: “Seng Dong Sibahen na Madear”

tnt_juli20_panandaondiri

 

“Seng dong sibahen na madear sada pe lang”. (Psalm 14: 3)

Bani Psalm ni si Daud bani bindu 14 in ibasa hita: “Na manatap do Naibata hun nagoriatas dompak anak manisia, atap dong do na mandabu-dabu, na mangindahi Naibata”. Aha do ididah Naibata? “Haganup do sidea kahou, haganup do sidea seng margagan, seng dong sibahen na madear, sada pe lang”.

Ongga do ipingkiri ham pasal hata on: “Seng dong si bahen na madear sada pe lang”. “Haganup jolma domma manisia, domma sambor”.

Domma iahap ham na dihut ma ham sada ibagas ai? Domma sambor uhurmu? Seng boi be mambahen na madear? Domma manggoluh ibagas dousa, seng be dong mangkawah dompak Naibata?

Atap seng iarusi ham hata ai. Atap iahap ham na dear pe ham ninuhurmu songon halak na legan na dear. Ra do lang iahap ham, atap dalan ni goluhmu dear pe tong ninuhurmu hape domma dalan na jahat, janah uhur-Mu domma igoki dousa.

Tapi Naibata na pansing ai na mangidah torus das hubagas uhurmu. Ia ma na marsahap ai hu bamu, ibotoh do na mardalan dompak hamagoan ham. Holong do uhur ni Naibata bamu„ sihol toguon-Ni ham bani dalan pardamean, ase mandarat humbani dousamu.

Sonaha uhurmu? Ra do ham mangungkab uhurmu dompak hata ni Naibata? Atap seng ipaniuli ham?

Pindo ham ma Tonduy na Pansing, ase iajari ham mananda dirimu. Ra do Ia roh hu bamu patidak dousamu pakon hapintoron sandirimu, anjaha ai, sedo na asi ai. Ipatidak Tonduy ai do hapintoron ni Jesus Kristus na paluahkon hita na porsaya. Ipatidak do bamu na maidop do uhur ni Naibata bamu na martonggo hu Bani.

 

Ham Tuhan Naibata! Paahapkon Ham ma hu bannami idop ni uhurmu bani sagala na roh hu Bamu. Amen.

Haleluya No. 148 :1-3: Layak do Ham Mambere Au >>

1. Layak do Ham mambere au , O Jesus Tuhankin,
Ihutkon Ham daoh pe au, mambuat uhurhin.
2. Pardousa na banggal do au, pansing do anggo Ham ;
Sai bai na dorsa laho au bai na jahat naman .
3. O Tuhan, husopotkon ma ganupan dousangkin ;
Holong ma Ham, sai sasap ma, Bamu ma tonduyhin.

21 Juli: Ulang Gobir >>

<< 19 Juli: Sada Hauhuron na Payah Parlajaran

tnt160720

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s