21 Juli: Ulang Gobir

tnt_juli21_ul31_7_8

 

“Tenger ma uhurmu anjaha totap, ai Jahowa sandiri mardalan ilobeimu. Ia do mangkasomani ho, seng anjai paturutonni ho atap tadingonkonni, ulang ho gobir, ulang hitir.” (5 Musa 31: 7,8)

Idilo Naibata do si Josua bani sada horja na borat, mambobahon halak Israel hu tanoh Kanaan. Patut do gobir ia bani horja na borat ai pakon tanggung-jawab na borat ai. Tapi ipatogar si Musa do ia marhitei hata on: “Tenger ma uhurmu anjaham totap hasomanan ni Naibata do ho”.

Tontu sada pe lang hita manjalo horja pakon tanggung-jawab na borat songon si Josua ai. Tapi hita domma tardidi, jadi namatoras ni dakdanak, gabe guru, gabe sintua, gamot ni kuria, na martanggung-jawab bani dakdanak pakon na magodang. Porlu do iahap hita borat pakon banggal ni tanggung-jawabta ai.

Tapi ulang hita mabiar, ulang gobir, asal ma ibagas haporsayaon pakon tenger ni uhur hita bani Naibata na mambere horja ai banta. Ia do ilobeita, Ia do hasomanta. Margantung Bani ma hita. Salpu do holi sagala na mahol marhasoman Naibata. Ai seng anjai itadingkon Naibata hita.

Porini pe roh na mahol bamu, ulang lupa ham mandilo Naibata. Sai urupanni do ham. Pangunsagahon ham ma gelah idop ni uhur-Ni arian borngin, janah tenger uhurmu Bani. Bamu pe iparbagah do songon na bani si Josua ai sai hasomananni do ham, seng anjai tadingonkonni, age ibagas sitaronon atap haboratan ham.

Ase maningon ibagas tenger ni uhur ampa totap ni uhur do hita mandalankon horja na binerehon ni Naibata banta janah tong mangarapkon idop ni uhumi. Anggo sonai gabe malas do uhurta janah hinsah uhurta mandalankon horja ai. Horja sisonai ma na mangalop pasu-pasu ni Naibata.

 

Tarima kasih ma Bamu Naibata, halani ra do Ham mardalan, ilobeinami janah seng itadingkon ham hanami. Ra do Ham mangurupi hanami bani sagala hasunsahannami. Amen.

Haleluya No. 138 :1.3: Jahowa Naibatanta Do >>
1. Jahowa Naibatanta do, tarbaen batar-batarta
Munsuhta ningon talu do, ibaen parlingodanta
Ai anggo munsuh in, sibolis gorannin,
bajan do akalnin parseda jolma in,seng dong na pag mangkubu.
3. Gok pe habiar tanoh on, laho mandorab hita .
Ulang mabiar hita on, ai ningon monang hita.
Age manggila pe, sibolis banta bei,
seng habiaran be; Ai ‘ge sa hata pe, kuh do manaluhonsi

22 Juli:

<< 20 Juli: “Seng Dong Sibahen na Madear”

tnt160721

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s