24 Juli: Na Porlu Iparsahapkon Tuhan Hita

tnt_jul24_iparsahapkontuhan

 

“Saul, Saul! Mase iparburu ho Ahu? Sunsah ma ho mantadahkon duri-duri”. (Lahoan 26: 14)

Igomosi anjaha ipongutkon si Saul do marburu halak Kristen, patutupkon pakon mamunuh, laho manramotkon haborsihon ni ugama ni ompung ni sidea (Jahudi). Ningon sasap namin goran Jesus hun tongah-tongah ni sidea. Tapi age pe iparburu lambin rarat do na manaksihon Tuhan Jesus. Roh do homa sungkun-sungkun hubagas uhurni: Tongon do nani Anak ni Naibata Jesus songon hinatahonni ai? Jadi lambin lang mardamei be uhumi ibagas, na mannunuti marburu Kristen in, lambin sunsah uhurni ibagas.

Sonaha do ham, dong do uhurmu pahiri Kristus, atap Kuriani? Atap asal Kristen do ham songon sipahulah-kulah? Sintong do uhurmu pasal Kristus ampa Kuriani? Ibotoh ham do torang anggo Kristus in sahalak-Si do hansa Sipaluah dunia on.

Tapi botoh ham ma on: Sadokah mapas uhurmu dompak Tuhan Jesus pakon Kuriani, seng be sonang uhurmu, seng mardamei be ibagas uhurmu. Seng gunani iimbang ham Tuhan Jesus pakon Kuriani. Ham do hansa mansadih songon na mantadahkon duri-duri, mahol do hansa itojok. Sonai do mangimbang Tuhan Jesus, diri do hansa na sunsah, ai seng tarimbang. Pargogoh na so tarimbang do Tuhan Jesus, Anak ni Naibata do.

Na porlu banta, ase idilo Tuhan Jesus hita, ase iparsahapkon hita songon Apostel Paulus. Pindo ham ma bani Tuhan Jesus: “Parsahapkon Ham ma ahu Tuhan!” Dob iparsahapkon Tuhan Jesus Apostel Paulus, margoling ma uhurni. Halak Kristen na pinarburuni hinan gabe ihaholongi, gabe isaksihon.

Anggo iparsahapkon Tuhan Jesus hita marhitei Tonduyni, margoling ma uhurta, idompakkon hita ma Tuhan Jesus, magigi ma hita bani dousanta, mapas ma hita bani hatengeran ni uhurta hinan.

Ham Tuhan Jesus! Tangkap Ham ma ahu songon Apostel Paulus, ase gabe saksimu ahu songon Apostel ai. Amen.

Haleluya No. 141: 1,2: Jesus Raja ni Kuria >>

1. Jesus, Raja ni Kuria, na pansing janah porsaya.
Pasu-pasu Ham au on.
Sai papuho Ham uhurhu, mangirikkon Ham Rajangku,
Pargogohi Ham au tong, pargogohi Ham au tong.
2. Tonduy Napansing ma here,
roh bai uhur ni kuria bai ganup dunia on.
Ase tong sada uhurni, gembit merap pe halakni.
Pasangapkon Ham tongtong, pasangapkon Ham tongtong.

25 Juli: >>

<<23 Juli: Mase gati galek haporsayaonta bani Tuhan Jesus?

tnt160724

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s