26 Juli: Hapansingon humbani Habutakon

tnt_jul26_uhurnamabutak

 

Tapi Ahu mangkatahon bannima: atap ise na manonggor naboru anjaha oji ia, domma saud marbangkis ia ibagas uhurni”. (Mateus 5 : 28)

Marhitei hata on ipodahi Tuhan Jesus susianni ampa hita, ase ulang ibere hita dong ibagas uhurta kamar ni uhur na mabutak. Bani titah ni Naibata, titah na papituhon ai ipandang do na marbangkis.

Ia dousa na marbangkis ampa dousa na legan na mamungkah do ai lobei ibagas uhur. Uhur ai do mangaturhon ase idalankon angkula. Halani ai ibagas uhur ai ma ulang dong ianan ni uhur na mabutak ai. Age lape idalankon hita anggo Tuhanta domma ihira ai dousa, domma saud marbangkis is ibagas uhumi, nini.

Sedo pitah dompak dalahi hata on, dihut do dompak naboru. Sedo homa pitah dompak na dob marhajabuan hata on, dihut do dompak garama ampa anakboru. Haganup do hita simada podah on. Dokter Kagawa halak Nippon, mangkatahon: Sagala hajahaton martolur do lobei ibagas uhur. Ulang ipaturut hita salih jadi anak, jalojalo ma ipuntarhon, ase ulang sompat jadi anak, ulang sompat mardalan.

Sai iurupi Tuhanta ma hita manlawan uhur na mabutak ai. Gati do roh uhur na mabutak ai marhitei na manonton pilm na hurang hormat. Halani gati na maposo manonton pilm sisonai ai, gabe lambin buei ma na mambahen habadoron. Sonai do age mambagei hata na butak. Halani ai ulang pasomal hita mangkatahon hata na butak (hata na kotor), na manggoran na so patut goranon, atap manturi-turihon parlahou na so patut bogeon.

Halani ai pindoonta ma Tonduy na Pansing, ase ipapansing uhurta humbani sagala habutakon, tarlobih ma pasal uhur daging. Age marsura-sura hita sihol pansing uhurta, seng tuk gogohta. Tonduy ni Naibata do na margogoh papansing uhurta.

 

Ham Tuhan Naibata! Suruh Ham ma hu bangku Tonduymu na Pansing in, ase iurupi ahu papansing uhurhu. Sai iiankon Tonduy-Mu ma uhurhu, ulang siat uhur na butak hubagas uhurhu. Amen.

Haleluya No. 84 :1, 6: Ale Tuhan Bapanami >>

1. Ale Tuhan Bapa nami na marholong atei in.
Suruh Ham ma hu bannami Tonduy-Mu Na Pansing in.
Ham pabayu tonduyhin jadi rumah-Mu ma in.
Tangar Ham pangindoanku holong atei-Mu hu bangku.
6. Tonduy, ajar Ham ma ahu janah togu-togu ma,
ase ahu marparlahou na mapansing na tama.
Sai pabujur uhurhon manangihon Ham tongtong.
Ase anggo roh ajalhu, tangan-Mu manogu ahu.

27 Juli: Bahen Sinjata Hasintongan >>

<< 25 Juli: Panandaion pakon Hasaksian pasal Jesus

tnt160726

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s