29 Juli: Lobih humbani hapintoron ni Parisei

tnt_jul29_

 

“Huhatahon ma bennima: anggo seng daoh dearan hapintoronnima marimbang hapintoron ni Sibotoh surat pakon Parisei, sabonar na so boi do hanima masuk hu Harajaon Nagoriatas ai”. (Mateus 5: 20)

Dihut do hu banta hata ayat in. Sonaha do hapintoronmu? Pargeduk seng marosuh hu harajaon ni Naibata, ningon parpintor do. Sibotoh surat pakon Parisei ibotoh do harosuh ni Naibata, tapi seng ihorjahon.

Ibotoh ham do homa harosuh ni Naibata, tapi seng ihorjahon ham. Anggo sonai dos do ham pakon sidea ai. Sonai ge romban do parlahoumu ari-ari bani harosuh ni Naibata dompak hasomanmu, hasoman sahuta, hasoman sakuria dompak na marsaor pakon ham? Parisei pakon Sibotoh-surat legan do hatani legan uhurni.

Sonaha ham sintong do iluarhon ham na ibagas uhurmu? Seng marsipahulah-kulah ham? Tontu anggo sihol sintong ham, sihol pintor uhurmu, sihol sintong hatamu, parlahoumu tarlobih sihol sintong uhurmu, sai maruntol do ham, laho pasaudkon ai, tapi sai tarahap do lepakni, salahni, tene?

Anggo sonai sonaha do hapintoron ni Parisei pakon sibotoh surat? Humbani dirini do, humbani usahani sandiri. Palsu do hapintoron na sonai, seng martarima bani Naibata. Hapintoron na binahen ni Tuhan Jesus do na ijalo Naibata. Ningon hona uhum do jolma pardousa, Tuhan Jesus do manaron uhum ai. Jadi sagala na porsaya bani Tuhan Jesus, na gabe gantihni, manggalar utang dousani, gabe pintor ma ai halani haporsayaonni. Anggo hapintoron na sonai ai, na so hapintoron sandiri, daoh ma dearan ai ase hapintoron ni Parisei pakon sibotoh surat. Boi ma ai masuk hu Harajaon Nagoriatas.

Sai daoh ma humbanta ma mangunsagahon hapintoron diri sandiri, na mangunsagahon parombouni sandiri. Dong do hapintoron na sintong tagangan bamu, asal porsaya ham bani hapintoron na binahen ni Tuhan Jesus, na matei Ia halani dousanta, ase dapotan hagoluhan hita.

Ham Tuhan Jesus! Urupi Ham ma ahu ase ijalo uhurhu janah hupangunsagahon hapintoron-Mu dihut gabe hapintoronnami. Amen.

Haleluya No 151: 1,3,4: Dong do bah Tubuh Dear in >>

1. Dong do bah tubuh dear in, bai na mardousa in;
Jenges tumang bah tubuh in, pasonang uhurhin.
3. Ai daroh ni Tuhanta in, in do bah tubuh in,
durus i Goigata do in, manghopkop hila on.
4. Ai ma tongon, ai dihut au gabe pansing homa,
ai holong-Mu berean au, ampa na roh homa.

30 Juli:  Titah atap Harosuh ni Naibata? >>

<< 28 Juli: Roh ma …..ase ididah nasiam”

tnt160729

tnt160729

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s