4 Juli: Manangkap Hagoluhan na Sadokah-dokahni

tnt_juli4_lambin rati

“Tangkap ma hagoluhan na sadokah ni dokahni” (1 Timoteus 6:12)

Manangkap hagoluhan na sadokah ni dokahni, artini ai porsaya bani Tuhan Jesus; ningon porsaya hita goluh-Ni, parmatei-Ni hu banta do ai. Na martenger ni uhur pakon partobuson ni Tuhan Jesus, domma tarhatahon mandipar hun hamatean hu hagoluhan na sadokah ni dokahni.

Anggo na dob sirang ham humbani Tuhan Jesus, huhatahon bamu homa: Tangkap ham ma hagoluhan na sadokah ni dokahni. Dompakkon ham ma Jesus na dob manaron janah matei halani ham. Porsaya ma ham bani Naibata marhitei Tuhan Jesus, na paima-imahon ham janah na sirsir manjalo ham gabe anak-Ni.

Boi do ham manangkap hagoluhan na sadokah ni dokahni halani Tonduy ni Naibata na binereni bamu. Ra do Naibata mangurupi ganup hita ase mandipar hita hun hamatean hu hagoluhan na sadokah ni dokahni. Pindo ham ma pangurupi-Ni, urupan-Ni do ham, paluahon-Ni ma ham.

Manangkap hagoluhan na sadokah ni dokahni, ai ma podah Apostel, artini ai, na dob maluah ma ai humbani sagala tenger ni uhur bani na legan. Idingat do goluh na baru ai. Ijolom do ibagas uhurni aha na dob binahen ni Tuhan Jesus laho mangkopkopsi. Marhitei gogoh na humbani Tuhan Jesus boi iimbang dousani, lambin totap haporsayaonni ibagas goluhni. Lambin marlajar ma ia mangidangi (mambalosi) Naibata lambin holong uhurni bani Tuhan Jesus pakon bani hasoman. Lambin rati ma pardomuanni pakon Tuhan Jesus, gabe lambin tambah ma uhurni dompak horja na madear na martujuan bani goluh magira. Lambin rotap ma uhurni bani sagala na ginoran hatengeran ni uhur i tanoh on: arta, hasangapon, hapentaran, kuasa na tongtong pinarleilei ni paruhur dunia on.

 

Ham Tuhan Naibata, Bapanami na i nagoriatas. Suruh Ham ma bannami TonduyMu na Pansing in, ase boi itangkap hanami hagoluhan na sadokahni-dokahni. Urupi Ham ma hanami ase torang iarusi hanami na binahen ni Jesus Kristus bannami. Amen

Haleluya No 187: 1-3: O Tuhan na Marholong Atei

1. O Tuhan na marholong atei na so tartimbang jolma in
Ai halak si pardousa bagei na rap mamuji goran-Mu.
Ibaen buei ni layak-Mu, marhitei-hitei Jesus in.
2. Ibahen Ham do pardearan, salosei dousa in ganup;
In do mangkorhon haluahon bani parjahat ganup.
Ai pe tarima kasih, au on Bamu, o Naibata
3. Ai domma roh Tonduy Napansing, hu tanoh on sinuruh-Mu
Papuho uhur na mapansing bai ganup pinilih-Mu.
Mamuji Ham do halanin, uhurhu na mabayu in.

5 Juli: Songon Anak na Magou >>

<< 3 Juli: Manjalo Hasasapan ni Dousa

tnt160704

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s