7 Juli: Hamalumon ni Tonduyta

tnt_juli7_hamalumon tonduy

 

Seng porlu doktor bani na jorgit, bani na boritan do”. (Lukas 5 :31)

Ai ma balos ni Tuhan Jesus bani sungkun-sungkun ni Parisei, na manungkun mase rap mangan Tuhan Jesus pakon pardousa ampa sijalo sohei. Hata ai homa iluarhon Tuhan Jesus laho mandilo sipardousa ase ra roh paubahkon uhurni, sihol pamalumon ni Tuhan Jesus naborit ni tonduy ni sidea.

Ronsi sonari tong do Tuhan Jesus dokter ni tonduy, itongah-tongahta do Ia mambahen hagogohon hamalumon. Tongon seng boi Ia ididah mata ni pamatangta, tapi nadidah do jolma parjahat hinan gabe ra bujur dob marhorja Tuhan Jesus ai ibagas uhurni.

Anggo roh hita hu Bani mangindo hamalumon, ipamalum do tonduyta. Ibere do damei bani uhur na gaor. Ibere gogoh laho mantaluhon dousa ampa hasomalanni na sambor ai. Iajari do jolma mambalosi (mangidangi) Naibata na manggoluh ai.

Sonaha do nuan pasal tonduymu? Boritan do atap jorgit? Seng porlu bamu, bani tonduymu, dokter Jesus? Ai boi do ipamalum ham dirimu humbani dousa?

Lang tene! Sabonar seng boi. Seng tuk gogohta mantaluhon dousanta. Porlu do banta pangurupi. Tapi ise ma mangurupi hita. Ai domma gati hita mardousa, songon na so tarpaturei be hita. Ulang lupa hita bani Jesus, ai domma iporsan dousanta, sanggah manaron janah matei bani hayu parsilang Jesus, i Golgata mangkopkop hita. Iporsan do dousanta bani angkulani bani haju ai janah binahen ni ugahni malum iahap hita, ai ma haluahonta humbani dousanta.

Roh ma hita bani Tuhan Jesus, Ia do dokter banggal banta. Hataonkonta ma hu Bani: “Urupi Ham ma ahu paubah uhurhu humbani dousangku janah mangkaporsayai Ham”. Bani panorang ai gabe pardousa na dob maluah ma ham. Ulang ihatahon ham ibagas uhurmu: “Maparahtu do dousangkai, seng gakni tarpamalum Tuhan Jesus be ahu. Tengerlah uhurmu bani dokter na lobih on. Malum do ham.

 

Ham Tuhan Jesus! Seng ope iarusi hanami holong-Mu na banggal In. Urupi Ham ma hanami ase itandai hanami idop ni uhur-Mu. Amen.

Haleluya No 148 :1, 4,5: Layak do Ham Mambere Au

1. Layak do Ham mambere au , O Jesus Tuhankin,
Ihutkon Ham daoh pe au, mambuat uhurhin.
2. Pardousa na banggal do au, pansing do anggo Ham ;
Sai bai na dorsa laho au bai na jahat naman .
3. O Tuhan, husopotkon ma ganupan dousangkin ;
Holong ma Ham, sai sasap ma, Bamu ma tonduyhin.
4. O, Jesus sai tangihon on, padaoh Ham jahatkin ;
Pansing ma baen Ham uhurhon, ase sai sonang in.
5. Ai domma pala matei Ham, mangkopkop tonduyhin;
Sihol ma au mangidah Ham, hu lambung-Mu ijin.

8 Juli: >>

6 Juli: Banggalan Ope Idop ni Uhur ni Naibata ase …

tnt160707

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s