Juli 14: Pasal Marsitaronon

tnt_juli14_rom8_18_sitaronon.pptx

“Ai huhira sitaronon sonari, seng sadiha ai marimbang hasangapon sipatalaron banta magira”. (Roma 8:18)

Tontu ongga do ham marsitaronon. Seng huhatahon ai atap halani dousamu. Pasai ai ham do martanggungjawab bani Naibata, atap iahap ham ai na songon uhuman ni Naibata. Tapi tujuan ni Naibata bani sagala na masa banta, ase lambin dohor hita hu Bani, ai do.

Sonaha do ham marsitaronon? Idingat uhurmu do ari na laho roh ai, ai ma hamuliaon na pinasirsir ni Naibata banta dob salpu hamarsikon on sibereonni bamu pakon sagala na porsaya Bani? Itaron ham do sitaronon ai ibagas sabar ni uhur songon Tuhan Jesus na manaron janah martonggo hu bani Naibata? Igoki holong do ham sanggah marsitaronon songon Tuhanta?

Anggo manaron sitaronon hita, mangkawah ma hita dompak hasangapon sipatalaron banta magira. Pindoonta ma bani Naibata, ase maidop uhurni dihut hita masuk bani hamuliaon-Ni use.

Anggo hamuliaon na laho roh ai ipatudos hita hubani sitarononta i dunia on, otik do (seng sadiha) ai marimbang hamuliaon ai. Marhiteihon ai margogoh ma hita manaron sitaronon na roh hu banta ai. Anggo nahira ma torikni hita na marjuma manguhurhon omei balanja satahun: pasirsirhon tidahan (sisipon), marbabou dua hali, mamurou ronsi mambuat omei, tapi anggo napatudos ai bani hasilni dapot omei bohal satahun, songon seng sadiha torikni ai marimbang omei na dapot ai use.

Pingkiran ai do pahampung uhurta mangkorjahon ganupan horja ai, ai na sonaha pe masamni. Sedo sitaronon namin mangombou hasangapon magira ai. Ai hata ai mangkatahon banta: “Ai huhira sitaronon sonari (i tanoh on), seng sadiha ai marimbang hasangapon sipatalaron banta magira”. Songon na mapas do Apostel Paulus bani sitaronon na i tanoh on, ai parsatongkinan do ai, tapi hasangapon na laho roh ai seng marsibar anggo ai, torus do.

 

Ham Tuhan Naibata, Bapanami na i nagoriatas! Urupi Ham ma hanami sanggah marsitaronon, ase mangkawah hanami dompak hasangapon sipatalaron magira ai bannami. Amen.

Haleluya No. 179 : 1-3: Ise Do Ganup Sidea >>

1. Ise do ganup sidea i lambung ni Naibata;
Marsotali do hudidah marsinalsal do homa.
Ganup do mandoding bei sai riap mamuji bei.
2. In ma da, na dob maluah, halak na tongon bujur.
Hasomanta na martuah na porsaya in botul.
Bai Tuhanta Jesus in, na mangkopkop hita on.
3. Na maparngit, tinaronni, sanggah na i tanoh on;
Na sombuh na sain dokahni, gabe hasangapon do.
In do rupei nin nuan, malas uhurnin ibaen.

15 Juli: Mananda Dousanta Sandiri >>

<< 13 Juli: Mardousa Marhitei Dilah

tnt160714

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s