Juli 15: Mananda Dousanta Sandiri

tnt_juli15_mananda dousa

 

“Boi do itogu na mapitung hasomanni na mapitung? Ai lang rap tarrobung ma sidea haduasi? Mase pala patorih-torihonmu anggo na sabasikah bani mata ni hasomanmu anggo na sabasikah bani matamu seng iahap ham! (Lukas 6 : 39-41)

Tongon do seng boi na mapitung manogu na mapitung. Ase na mapitung pasal dousani, seng boi ai manogu hasomanni ase maluah humbani dousa. Na so mambotoh martoruh ni uhur mangindo idop ni uhur ni Naibata, seng boi ai manogu hasoman ase martoruh ni uhur mangindo idop ni uhur ni Naibata.

Horjanta pe boi do manogu hasoman bani idop ni uhur ni Naibata age pe lang hita gamot ni kuria. Tarlobih ma hita gamot-gamot ni kuria hawajipan ni hita rombang do mamboan ambilan na madear ganup-ganup pagori ni kuria in. Itogu ham do dakdanakmu na etek in bani Naibata? Sonaha do pardalananmu mangihutkon Naibata do pargoluhonmu? Martoruh ni uhur do ham ilobei ni Naibata? Iahap ham do Naibata do raja ni goluhmu? Ididah ham do ra dousa ni hasoman tene. Sonaha iahap ham do dousamu?

Anggo seng tangkas ididah ham dousamu, seng boi ajaranmu hasoman mananda dousani. Anggo seng ibotoh ham dalan mulak hu bani Naibata, seng ibotoh ham mambobai mulak hasoman bani Naibata. Anggo na jahat pe uhurmu, dompak na jahat do hansa boi bobaanmu halak.

Boi ma itogu na mapitung hasomanni na mapitung, ai lang rap tarrobung ma sidea haduasi”? Ai ma podah ni Tuhanta banta. Anggo boi ma hita gabe pasu-pasu bani na legan, naidah ma na sabasikah na bani matanta, naidah ma hahuranganta. Ari-ari ma hita roh bani Naibata mamboan uhurta pakon goluhmu, ase margogoh hita mangimbang dousa. Holong ni Naibata do tong ididah hita. Jadi sai iguruhon hita do mangkaholongi Naibata pakon jolma.

 

Ham Tuhan Naibata! Urupi Ham ma hanami mananda dousanami sandiri tapi sedo mananda dousa ni hasoman. Amen.

Haleluya No. 108 :1, 2,12: Sanggah Holong Tong Tuhanta >>

1. Sanggah holong tong Tuhanta, na mangidah hita on
Imbang hita ma dirinta tanda jora hita on.
2. Sai tundali na madorsa, sai dompakkon Naibata,
Tanda na tongon porsaya ho bai Tuhan Naibata.
12. Dirimin do munsuhnima pakon sipangagou in.
Anggo hagoluhannima, in ma Tuhan Jesus in.

Juli 16:

<< Juli 14: Pasal Marsitaronon

tnt160715

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s