20 Juni: Manjalo Jesus Ase Ia Simada Hita

tnt_jun20

 

“Na roh do Ia marayak nadong bani hinan, tapi seng ijalo na dong bani in Ia”. (Johanes 1: 11)

Ai ma pusok ni uhur ni Tuhan Jesus bani goluh-Ni, na so ijalo bangsani Ia. Iboan do hatuahon bani sidea, tapi mangengkar do sidea manjalo. Marhitei Jesus boi ma sidea (Jahudi) gabe anak ni Naibata, tapi seng ra sidea manangihon hata-Ni, seng ijalo panohuonni bani sidea.

Aha do halani tarhatahon ase lang ra halak Jahudi manjalo Tuhan Jesus?

Halani ihatahon Tuhan Jesus maningon dihut sidea paubah uhur. Tongon domma gabe sada bangsa sidea ibahen Naibata, marugama sidea dear iagan ma na dob dear langkahni. Lang ope. Porlu ope paubah uhur. Halani ai sada-sada do hansa roh bani Tuhan Jesus, ai ma na manjalo podahni. Anggo halak Jahudi umumni seng manjalo Tuhan Jesus. Hape Tuhan Jesus do namin Messias na pinaima-ima ni sidea, pinarbagah ni Naibata.

Sonari roh Tuhan Jesus hu banta, hita pe nadong Bani do. Domma itobus hita marhitei daroh-Ni. Domma tardidi hita hubagas Goranni, domma gabe Ia simada hita. Roh do Ia hu banta ase ijalo hita Ia songon Sipaluah hita.

Seng ope ra hita manjalo galangan diri ni Tuhan Jesus? Nape ra hita manjalo-Si, ase mardalan hita bani dalan hamubahon ai?

Boi ma hataonkon ni hita Kristen, marhitei pangurupi ni Sipaluah ai boi ahu sirang humbani dousangku, janah manggoluh songon anak ni Naibata na mambalosi Bapani. Ai ma tujuan ni Tuhan Jesus ase roh Ia hu dunia on. Ai do homa tujuan ase tardidi hita hubagas goranni. Lang be boi luaronkonta: “Roh do Ia marayak na dong Bani hinan, tapi seng ijalo na dong Bani in Ia”. Tapi ijalo hita ma Ia songon Tuhan Sipaluah hita janah Sipagoluh hita.

 

Ham Tuhan Jesus! Roh do Ham hu dunia on ase gabe Tuhan Sipaluah janah Sipagoluh hanami. Tarima kasih ma Bamu halani idop ni uhurmu na banggal ai. Amen.

Haleluya No. 129: 1, 2: O Jesus na Pagoluh au >>

1. O Jesus na Pagoluh au, Anak ni Naibata.
Holong atei-Mu togu au, ondos bai Naibata.
2. Tongon sonang do uhurhin mardingat layak-Mu;
Ai Ham do hagoluhankin bani parmatei-Mu.

21 Juni: Pilihan Siayakononta >>

<< 19 Juni: Mangkaholoni age Munsuh

tnt160620

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s