25 Juni: Arti Marnalang Diri

tnt_juni26_mangihutkon jesus

 

“Sagala na mangihutkon Ahu, iparnalang ma dirini”. (Mateus 16: 24)

Anggo idingat hita Tuhan Jesus sonari domma hundul i siamun ni Naibata, bani hamuliaon ni Naibata. Hita pe homa sihol dihut hujai anggo idilo Naibata ma hita hun dunia on. Ijai lang be dong pusok ni uhur, ampa sitaronon, tapi damei pakon malas ni uhur mando torus.

Tapi anggo sihol ihutonkonta Tuhan Jesus das hu surga, maningon ihutonkonta Ia sadokah i tanoh on hita.

Mangihutkon Jesus artini marnalang diri do ai. Sagala pingkiran dompak na jahat, dompak dousa, sura-sura ni daging ningon parsilangonkon do ai, janah sura-sura ni Naibata dalanonkonta ibagas goluh on.

Anggo seng ra hita marsilangkon sura-sura ni dagingta on, seng tarbahen hita mangihutkon Jesus, seng tarbahen hasomanan ni Jesus hita. Anggo ipaturut hita markuasa sada dousa ibagas uhurta, seng tarbahen hita mangihutkon Jesus. Maningon sirang do hita humbani sura-sura na jahat, pingkirian dousa, ningon borsih do goluhta humbani haganupan ai ase boi hita mangirikkon Jesus.

Sedo pitah sadari dua ari hansa tapi ningon torus ibagas goluhta. Dousa lama ai maningon naparnalang. Ase maningon ari-ari do hita marnalang diri.

Anggo hita mangirikkon Tuhan Jesus, artini ai homa mangiring Jesus, orod Bani, hasoman-Ni saodoran.

Ningon iahap hita do dohor do Tuhan Jesus ilobeita, ibogei do hatanta, ididah panggulmitonta. Ia huja Jesus manlangkah hujai ma nairikkon. Lang be sura-sura diri na saud, sura-sura ni Tuhan Jesus ma, ai ma na marnalang diri.

Anggo lang boi sirang hita humbani dousanta, seng boi hita parrupei bani Tuhan Jesus. Anggo dong siayakan ningon dong do sitadingonkon. Laho mangirikkon Tuhan Jesus, maningon tading do dousanta.

 

Ham Tuhan Jesus! Urupi Ham ma ahu mamingkiri goluhni ni tonduyhu, urupi Ham ma ahu marnalang diringku laho mangihutkon Ham ari-ari ibagas goluhku. Amen.

Haleluya No. 107: 1, 6: Irikkon Nasiam ma Au >>

1. Irikkon nasiam ma Au, nai hatani Tuhanta
Sai parnalang ma dirimu, hatangku malah harga
Sai mambur bahenlah ganup, parlahoumin na so talup
6. Na manghargahon hosahnin, in do mansedahonsi;
Sagala na marnalang in, in do pagoluhkonsi.
Na so mamorsan silang in, na so talup be Bangku in.

26 Juni: Pasu-pasu Marhitei Sitaronon? >>

<< 24 Juni: Hagogohon ni Naibata ibagas Ambilan Namadear

tnt160625

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s