26 Juni: Pasu-pasu Marhitei Sitaronon?

tnt_juni26_sitaronon_pasu2

 

Ia dong na sihol mangirikkon Ahu, iparnalang ma dirini, iporsan ma ari-ari haju silangni laho mangihutkon Ahu. (Lukas 9: 23)

Anggo ibogei hita hata “silang” somalni laho do uhurta bani sitaronon na borat atap pusok ni uhur na banggal. Ijalo hita do ai songon hun tangan ni Naibata, ai ibagas botoh ni Naibata do ai haganupan.

Anggo ihatahon Tuhan Jesus pasal “silang ari-ari” sedo khas sitaronon na borat hansa ai. Ai sitaronon na borat seng roh banta ari-ari. Ipingkir Tuhan Jesus do pasal sisarionkon ari-ari na marbagei-bagei na manggoki goluhta ari-ari. Ai pe maningon hiraonta do tong na humbani Naibata, ai Naibata do na pabotoh-botoh haganupan ai. Ai marrohan pe haganupan ai martujuan na madear do na mangkorhon pasu-pasu banta.

Sonaha do parroh ni pasu-pasu bangku marhitei sitaronon ari-ari? Ra sonai uhurmu.

Ai do mangajari uhurmu parombankon uhurmu bani rosuh ni Naibata. Ambah ni ai anggo padam ham manaron sitaronon na marotik-otik ai, roh pe holi sitaronon na parah sanggup ma ham manaron ai. Dong do halak na pasomal-somalhon mangangkat bosi marhitei dua tangan tordang hulobei, rohroh boratni iangkat siap sogod, dobni seng borat be iahap mangkat 10, 20, 30… 100 kilogram.

Sonai do silang ari-ari ai, hampung do iahap hita age roh boratni ai anggo somal hita tong do hampung banta, dong ma hasabaron banta. Ai ma deba pasu-pasu ni silang ari-ari.

Jadi boi ma hita mangihutkon Tuhanta ari-ari ibagas goluhta. Lambin ibotoh hita ma marnalang dirinta pakon mamorsan silang ari-ari mangihutkon Tuhan Jesus.

 

Ham Tuhan Naibata! Urupi Ham ma ahu mamorsan silangku ari-ari age roh pe sitaronon na borat. Urupi Ham ma ahu marnalang diringku, laho mangihutkon Jesus Kristus Tuhanku. Amen.

Haleluya No. 107: 6, 7: Irikkon Nasiam ma Au >>

6. Na manghargahon hosahnin, in do mansedahonsi;
Sagala na marnalang in, in do pagoluhkonsi.
Na so mamorsan silang in, na so talup be Bangku in.
7. Marmogah-mogah hita bei, lao mangihutkon Jesus.
dagingta ‘ge tonduyta per tulakhon lah bai Jesus;
Ai na mangengkar Tuhan in, seng dapot hasonangan in.

27 Juni: Marnalang Diri Mangihutkon Tuhan >>

<< 25 Juni: Arti Marnalang Diri 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s