Juni 1: Gabe Saksi ni Kristus

Andreas bertemu dengan Simon, saudaranya, dan ia berkata kepadanya: "Kami telah menemukan Mesias"
Andreas bertemu dengan Simon, saudaranya, dan ia berkata kepadanya: “Kami telah menemukan Mesias”

 

Dihut ma hanima manaksihon”. (Johanes 15: 27)

 

Sonaha do hita laho manaksihon? Ningon mardalani do hita mangganupi huta pakon halak, laho manaksihon Tuhanta?

Hu banta ganup do hata on songon bani susian naijia: Ningon saksionkonta Tuhan Jesus atap bani ise hita marsahap, marjumpah (kontak), tarlobih ma ai niombahmu, hasomanmu sahorja. Marhitei hasaksianmu ahaponkonmu do pasu-pasu ni Naibata roh bamu (hubagas uhurmu). Ningon mabaor do ai homa bani sagala na niondoskon bamu.

Idahon ni Naibata do atap marisi haporsayaon do sagala na iondoskon bamu: Niombahmu, na marhorja bamu (buruhmu) marhitei hasaksianmu. Parugas ni Naibata do ham ase dapotan horja buruh ai bamu ase dong goluhni. Bahen ham ma dirimu manaksihon holong ni Naibata bani sidea na ibagas holong ni Tuhan Jesus Kristus.

Ibagas na manaksihon ham, pindoonmu do Tonduy Naibata ase iarusi hasaksianmu ai, janah marhorja hata ai ibagas uhurni manogusi hu hagoluhan na sadokah ni dokahni. Tangi ma hita homa bani Tonduy ai atap naijahani do na pamulia Jesus Kristus, anggo sonai maharga ma goluhmu bani hasomanmu.

Botoh ham, hira na mamasang hitei (jembatan) do hansa hita mansahapkon hata ni Naibata bani hasoman, ase dong hitei ni Tonduy na Pansing, marhorja ibagas uhurni. Sedo hita mambahen buahni, tapi Naibata do.

Tarima kasih do uhurta bani Tuhanta Jesus, halani ra do Naibata mamalar hita pardousa on gabe saksi-Ni, age pe gok dousa do pamanganta gati haluar hata nabutak humbagas.

 

Tarima kasih ma Bamu Tuhan Jesus, ra Ham manjalo hanami gabe juak-juak-Mu, ra Ham mamakei hanami gabe saksi-Mu, laho mangarahkon hasoman hu hagoluhan na sadokah ni dokahni. Amen.

Haleluya No. 143 :1,2: O Tonduy na Manggoki Uhur >>

1. O Tonduy na manggoki uhur, ni saksi-saksi na parlobei in,
Seng ongga-ongga marnamundur, mangimbang munsuh ni Tuhanta in
Puhoi pakon uhur nami on mandodingkon
2 . Andohar apuy-Mu ma gara, marlintun bani bangsa haganup,
Jahowa, Ham paingkat halak na bujur mangkatahon hata-Mu,
Kawahkon Ham bolag sabion in, jabolon-Mu seng piga ope in.

tnt160601

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s