12 Juni: Poltik ma Jolom Hita

tntjun12_goluhjesus

 

“Ia na dob mamungkah horja na madear ibagas nasiam, dobonkonni do ai das hubani ari ni Kristus Jesus”. (Pilipi 1: 6)

Domma ipungkah Tonduy na Pansing horjani ibagas dirinta, tapi horja ai lape dob. Tong ope hita marlapu dousa. Seng dong na manggoluh na sirsir ilobei ni Naibata, seng dong na so pamandangon bani Naibata. Seng dong na boi ihamalaskon Naibata.

Sadokah manggoluh na porsaya i tanoh on, sai iahap do dousa, sitaronon pakon hamatean. Tapi na porsaya, sai iiankon Tonduy na Pansing do, mambere gogoh bani laho maruntol das hubani na gokan dear horjani anjaha marpunsa dousa pakon pusok ni uhur.

Seng boi pangahapni ukuran ni parsaoronni bani Naibata. Halani ai ningon bereon do kamar ibagas uhurta ianan ni Tonduy na Pansing ai, ase Ia manopa uhur pakon pangahapta. Ningon iahap hita do na boritan do Tonduyta, jadi ningon dong do doktor Tonduy na pamalumkon ai.

Dong do deba Kristen na parupah do horjani ninuhumi humbani Naibata (jasa). Uhur na sonai sedo ai na humbani Tonduy na Pansing, ai seng romban ai bani hata ni Naibata ampa bani haporsayaonta. Tang indungni ningon poltik ijolom hita bagah-bagah ni Naibata. Haluahon na binahen ni Tuhan Jesus.

Roh ma Pangapoh banta: Ia sonaha pe pandoit pangkarat ni sitaronon, poltik ma ijolom hita goluh magira ai na ibagas Jesus Kristus. Ijolom hita ma poltik hata ni Tuhan Jesus na mangkatahon: Na manggoluh do Ahu hanima pe manggoluh do!”

Pasayuron ni Tonduy na Pansing do horja-Ni ibagas uhurta, laho manopa uhurta ase gabe na marguna bani Naibata hita.

 

Ham Tuhan Jesus, sai idopkon Tonduy-Mu ma horjani ibagas diringku, ase manggoluh ahu. Amen.

Haleluya No. 82 : 1, 2: Masuki Ham Uhurhu >>

1. Masuki Ham uhurhu, iankon Ham ma au on.
O Tonduy Naibatangku, pasonang Ham au on.
Na marparatas Ham rap pakon Naibatangku
Sonin Jesus Tuhanku, sai pujionku Ham.
2. Paahap Ham patuduh hu bangku gogoh-Mu.
Pargogoh-Mu paluah au humbai dousangkin.
Urasi uhurhon, papansing Ham tonduyhu
Ai sihol balosanku do hata-Mu tongtong.

13 Juni: Tonduy Partonggoon >>

<< 11 Juni: Aha do onjolan ni haporsayaonta pakon pangarapaanta?

tnt160612

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s