18 Juni: Sihol porsaya do ahu namin bani Tuhan Jesus

tntjun18_horjaniTdyNapansing

 

“Barang ise na porsaya anjaha tardidi, ai do dapotan haluahon”. (Markus 16:16)

Santorap ididah sada halak Kristen ma sada halak na matua songon na bagas marpingkir, gabe nini ma dompaksi: Aha ipingkiri ham ompung? Sihol porsaya do ahu namin bani Tuhan Jesus. tapi seng boi, jut do huahap.

Nini Kristen nongkan: Ongga do ibogei ham hatorangan ni Dr. Marthin Luther pasal arti ni haporsayaon patoluhon ai. Ijai ihatahon do: “Iparhatongon uhurhu do na so tarbahen ahu porsaya bani Jesus Kristus Tuhanku, anggo tor uhur-uhurhu atap gogohku sandiri, na itogu Tonduy na Pansing ai do ahu marhitei Ambilan na Madear”.

Ongga ma ipindo Ham Tonduy na Pansing ase ipatandahon bamu Tuhan Jesus marhitei ambilan na madear? Lape ongga nini na matua ai. Dob ai rap martonggo ma sidea mangindo Tonduy na Pansing patorangkon hata ni Naibata (Ambilan Na Madear) bani na matua ai, ase saud ia porsaya bani Tuhan Jesus. Ulak-ulak ham ma sonai, elek-elek ham ma Naibata ase isuruh Tonduyni ai bamu ase saud ham porsaya. Dobni gabe halak na porsaya do na matua ai anjaha tardidi.

Buei do halak Kristen porsaya-so-porsaya bani Tuhan Jesus Anak ni Naibata, na manaron na parngit janah matei marsik bani hayu parsilang, halani hita janah mangkopkop hita. Barang ise na sonai ai ipindo ma Tonduy na Pansing manogusi bani haporsayaon na sintong pasal Tuhan Jesus. Bereon ni Naibata do ai, ujungni das do ia bani haporsayaon ai. Tenger ma uhurni bani Ambilan na Madear (Hata ni Naibata), ijalo uhurni ma ai songon hata ni Naibata dumpar.

Ai manogu hita mangkaporsayai Ambilan Na Madear ai ma parlobei horja ni Tonduy na Pansing ai. Jadi lambin marhorja ma Hata ai pakon Tonduy ai ibagas uhur, lambin porsaya ma diri.

 

Ham Tuhan Naibata! Urupi Ham ma hanami ase tubuh janah lambin banggal haporsayaon ibagas uhumami, ramotkon Ham ma ronsi das hubani na matoras haporsayaonnami ai. Amen.

Haleluya No. 134:1, 2: Ambit Lang Ham Rupeihu, ale Jesus >>

1. Ambit lang Ham rupeihu ale Jesus,
jaha daroh-Mu manghakui ahu
mintor huja ma ahu na mardousa, marhaporusan.
2. Ai seng be dong na songon Ham Tuhanku,
na parlunggarhon pusok ni uhurhu;
Sahalak ham do sipasonang ahu, hagoluhanku.

19 Juni: Mangkaholoni age Munsuh >>

<< 17 Juni:  “Kristus do iparhiouhon nasiam”

tnt160618

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s