Juni 2: Syarat Gabe Saksi ni Kristus


tnt_juni2_saksi

 

Dihut hanima manaksihon”. (Johanes 15: 27)

Goluhta on sihol ma manaksihon Tuhan Jesus. Ase hatanta pakon parsahapanta ronsi parsaoranta, sihol ma manaksihon Tuhan Jesus, sonai ma ipindo uhur ni Tuhanta. Sihol namin hasaksian pasal Tuhan Jesus manggoki uhurta ari-ari.

Tapi dousa do na gati mamontas humbagas uhurta, ganggang hita humbani Naibata. Tapi domma ibanihon Tuhan Jesus dousanta, ase gabe anak ni Naibata hita. Anggo ididah hita ma dirinta, na dob iparjabolon dousa, maruntol hita mangimbang dousa, hape ipaluah Tuhan Jesus hita humbani idop ni uhurni, gabe maluah humbani dousa pakon parjabolonan ni dousa pakon sibolis gabe warganegara surga hita dihut.

Ai do sisaksionkonta pasal Tuhan Jesus bani hasomanta, ase dihut sidea songon hita. Anggo lambin rapat hita bani Tuhanta Jesus lambin pandei do hita manaksihon-Si homa. Ai iahap hita ihasomani do hita, iurupi do hita bani hasosakan.

Sabotulni seng tarhasipkon hita pasal Tuhan Jesus. la na tongtong, mangkasomani hita na mangurupi hita bani sagala paruntolonta, na mangurupi hita ibagas hasosakan, na mamasu-masu sagala horjanta, ija tarhorom hita lang patugahkon bani hasoman.

Ase ningon marsahap do hita pasal Jesus, halani na binahen-Ni hu banta, ai do mambahen lang tarhasipkon pasal Tuhan Jesus. Halani pardomuanta pakon Tuhan Jesus do patubuh hasaksian ai banta, sonai do age susian naijia.

Ase na porlu bani hita susian ni Tuhan Jesus sonari (Kristen), ai ma parsaoran na rapat bani Tuhan Jesus. Mambasa pakon mambogei hata-Ni do sada dalan hujai, paduahon marhitei na manongtong martonggo hu Bani. Ia ma gabe raja ni goluhta, ai ma holi na mangojur hita gabe saksi na botul bani Tuhanta janah saksi na ringgas.

 

Ham Tuhan Jesus! Ham do Sipagoluh pakon Sipaluah hanami. Pasu-pasu Ham ma hanami ase salih hanami gabe saksiMu, sadokah hanami manggoluh. Amen.

Haleluya No. 5: 1,6: Hupuji Holong ni Atei-Mu >>

1. Hupuji holong ni atei-Mu, o Tuhan Jesus Rajangkin
Bamu huondoskon tonduyhu, ai do napinindo-Mu in
Huhalupahon ma diringku mamingkir holong ni atei-Mu,
6. 0 Jesus, GoranMu uhirhon, bagas, torang bai uhurhon,
Ase tarsurat ilobeihu holongni atei-Mu tongtong,
Hatangku ampa parlahouhu, ningon ipuji do Goran-Mu.

tnt160602

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s