8 Juni: Seng dong i dunia on na songon holong ni atei ni Naibata

 

tntjun8_joh3_16_holongninaibata

 

“Ai sonon do parholong ni atei ni Naibata bani dunia on, pala do Anakni sisada-sada ai iberehon ase ulang magou sagala na porsaya Bani, tapi ase dapotan hagoluhan sadokah ni dokahni.” (Johanes 3 : 16)

Longang do uhurta mabogei hata on, holong tumang hape atei ni Naibata bani dunia on, pala iberehon Anakni sisada-sada ai laho pagoluhkon dunia on. Seng dong i dunia on na songon holong ni atei ni Naibata. Biak parjahat janah pardousa do hita jolma, hauhuronta pakon parlahouta patidakkon songon na sirang do hita humbani Naibata.

Age pe sonai maidop do uhur ni Naibata bani dunia on. Domma namin ihorjahon dunia on hagigi ni Naibata, domma itundalhon dunia on Naibata, tapi seng ipaturut Naibata sidea iluahon dousani hu hamagoan. Harga do Bani jolma tinompani in maniru rupani. Seng ipaturut sidea iogapkon dousani.

Halani ai ma ase isuruh Anak-Ni sisada-sada in hu dunia on. Mangaha isuruh? Manaron na marsik das hu hamatean na so ingkat salah-Ni, manaron uhuman na sahira hu banta. Ia ma satimbang badanta. Halani holong-Ni na banggal ai bani hita sin dunia on.

Parah do sitarononni ibagas na mamorsan dousanta ai Ia, pala iahapkon songon na itadingkon Naibata Ia, ai nini: “Naibatangku, Naibatangku, mase itadingkon Ham Ahu?” Tuhan Jesus na so mananda dousa gabe dousa ibahen Naibata gantihta, satimbang badanta (suali) songon parsilihinta.

Seng naantusi holong ni Naibata, sihaporsayaan do hansa. Anak ni Naibata manaron na marsik janah matei songon parjahat ase manggoluh hita. Hubani Tuhan Jesus itampeihon Naibata dousanta, ase manggoluh hita.

Seng iarusi hita pardousa banggal on holong na sonai gijangni. Gijangan do pingkiran ni Naibata ase pingkiranta.

 

Ham Tuhan Naibata! Mase ma nani pala holong atei-Mu bani jolma manisia? Mangidah hanami pardousa na ma butak on? Tapi urupi Ham ma hanami ase porsaya botul hanami bani holong ni atei-Mu marhitei Tuhan Jesus Kristus, na dob manaron na marsik janah matei tarsilang halani hanami, halani dousanami. Amen.

Haleluya No. 133: 1,5,8: Holong Do Atei >>

1. Holong do atei ni Naibatangku
parholong atei mangidah au.
Ai ipasirsir do haluahonku
marhitei Jesus Anak-Ni in.
5. Itaron Jesus do hamateian,
manggalar utang ni dousangkin.
Ai do ‘se ningku tong:
Holong do atei ni Naibatangku mangidah au.
8. Tobu do holongni Tuhanku,
na pasabouhon paruhurhon.
Ai do ‘se ningku tong:
Holong do atei ni Naibatangku mangidah au.

9 Juni: Tenger ni Uhur bani Holong ni Naibata>>

<< 7 Juni: Marbuah na Ramos

tnt160608

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s