8 Maret: Hatangeran ni Uhur do Anggo Naibata

Ia lang pe hatengeran ni uhur hita hatengeran ni uhur, tong do Ia (Naibata) hatengeran ni uhur, ai seng tarparnalangsi dirini” 2 Timoteus 2:13)

Terjemahan baru (LAI 1973) “Ia lang pe hatengeran ni uhur hita hatengeran ni uhur do anggo Ia, ai seng tarparnalangsi dirini“.

On do sungkun-sungkun banta sanggah na laho tardidi atap sanggah rnanoksihon haporsayaon: Porsaya do ham bani Naibata Bapanta pakon bani Tuhanta Jesus Kristus ampa bani Tonduy na Pansing? Balosta: Porsaya do. Ai pe ase saud hita tardidi atap manaksihon haporsayaon bani mungkahni ondi.

Dong ope sada nari sungkun-sungkun sonon: Ra do ham marminggu siap minggu anggo jorgit do ham? Balosta ijia: Ra do.

Marpingkir ma hita tongkin pasal dua parhara  pangakuanta ai. Totap do porsaya ham janah tenger do uhurmu bani Naibata Bapanta pakon bani Tuhanta Jesus Kristus ampa bani Tonduy na Pansing? Ai lang gati do ganggang haporsayaonta janah dong use hatengeran ni uhurtana legan sobali Naibata Sitolusada ai? Age pe sonai.anggo Naibata tong do ihira hita anak niainni.

Ai lang gati ma ilanggar ham padanmu? Ai lang ongga do ham holang lang marminggu sanggah ari minggu age pe jorgit do ham? Anggo sonai lang be hatengerean ni uhu, tapi Naibata tong do Ia hatengeran ni uhur. Tong do holong uhurni banta.

Tapi sada na porlu bata, ningon roh hita bani Bapanta ai patugahkon (mansopotkon) halepakanta ai, janah mangindo hasasapan ni dousanta ai, ase isasap, halani holong-Naibanta.

Ulang biaran ham roh bani Tuhanta pakon Bapanta Naibata age pe domma ham mengelukkon padan, anggo Naibata totap do padanni. Ra do Ia manasap dousamu janah ijalo do ham mulak gabe niombah-Ni.

 

Ham Tuhan Naibata. Hupuji janah hupasangap do Ham halani holong ni uhurmu mangadah hanami, seng ibaloskon Ham dousanami. Urupi Ham ma hanami ase totap mardingat padannami hu Bamu. Amen.

Haleluya No. 148 :1-3 Layak do Ham Mambere au

1 Layak do Ham mambere au , O Jesus Tuhankin,

Ihutkon Ham daoh pe au, mambuat uhurhin.

2 Pardousa na banggal do au, pansing do anggo Ham ;

Sai bai na dorsa laho au bai na jahat naman

3 O Tuhan, husopotkon ma ganupan dousangkin

Holong ma Ham, sai sasap ma, Bamu ma tonduyhin.

 

 

Advertisements