Mei 16: “Mase ma …….lang ihorjahon nasiam na Huhatahon?”

tntmei16_jesusrajaniuhurta

 

“Mase ma ihatahon nasiam bangku: Tuhan, Tuhan! hape lang ihorjahon nasiam na Huuhatahon?” (Lukas 6: 46)

 

Tangihon hita, atap na dihut do hu banta ihatahon Tuhan Jesus hata on: Mase ma ihatahon nasiam Bangku, ?Tuhan, Tuhan! hape lang ihorjahon nasiam na Huhatahon?”

Ai lang iahap ham do ibagas pardalan ni goluhmu, na buei do langkahta na so mardomu bani harosuh ni Tuhanta? Sada ma porini tiruanni: Ihatahon Tuhanta do hita marsihaholongan samah hita. Sonaha do pandalankonmu bani titah banggal ai? Holong do uhurmu bani hasomanmu songon bani dirimu? Tongon pajumpah do ham pakon dua tolu halak janah basar do ham dompak sidea, ai basar do sidea dompak ham. Tapi dompak na legan na so basar dompak ham? Sonaha igoki holong do ham i rumahmu?

Dihut do ipaima-ima Tuhanta humbanta atap sonaha hasomalanta marsahap ari-ari, atap na roh humbani holong do. Mantin do hatanta atap mapaet. Anggo marsahap ham pasal na legan atap pasal hadearonni do ipatugah ham atap hasamboronni. Ningon pae do ham. Isaksihon Tonduy ni Naibata sagala pingkiran pakon parsahapanmu.

Na porlu pingkironkonta anjaha sura-suraonkonta: Ningon Tuhan Jesus raja ni uhurta, raja ni tonduyta, anggo sonai Ia ma raja ni sagala hatanta ampa parlahouta. Ai uhur ai do mangatur hata pakon parlahouta ai.

Anggo hatamu do hansa pakon parlahoumu ipatibal-tibal ham, sedo uhurmu ai ipasintong ham, seng sintong ope Tuhanmu Jesus. Anggo Tuhan Jesus raja ni uhurmu, Ia do homa raja ni horjamu ari-ari. Jadi ibagas gomgoman ni Tuhan Jesus ma goluhmu. Artini Tuhan Jesus ma sisungkunonmu ibagas goluhmu. Gok Bani ma ham manggoluh atap matei pe.

 

Ham Tuhan Jesus! Ham do Tuhanku Ham do Rajangku. Gok Bamu ma ahu. Urupi Ham ma ahu mandalankon harosuhMu ibagas malas ni uhur. Amen.

Haleluya No. 28 : 1,7: Naha ma Panjalongku >>

1. Naha ma panjalongku, Bamu o Tuhankin?
Naha panjumpahkonku, Bamu o Rajangkin?
Sondangi Ham uhurhu, na golap na bodoh
Ai sihol bahenonku do hamegahon-Mu
7. Seng be habiaranmu, pangagou in ganup
Ai domma roh Rajamu, manlawan in ganup
Maporus do ganup, i baen Rajanta in
Rendep ma haganupan, ilobei-lobei-Nin

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s