Mei 15: Anggo Magou ma Malas ni Uhur pakon Damei

tntmei15_pslm32_1_2

“Martuah ma halak na dob sinasap panlanggaronni, na dob nirungkub dousani. Martuah ma halak anggo seng ihira Jahowa bani hajahaton, anjaha seng dong sipakulah-kulah ibagas tonduyni”. (Psalmen 32 : 1,2)

 

Na songon anak malas ni uhur do raja Daud bani Naibata. Tapi mardousa ma ia. Sirang humbani Naibata. Ihasipkon lobei dousani, jadi magou ma malas ni uhurni, magou ma damei humbagas uhumi.

Buei do na songon raja Daud. Mardousa ia janah ihasipkon dousani. Seng ipindo hasasapanni humbani Naibata. Jadi magou ma malas ni uhurni, seng dong be damei ibagas uhumi.

Ia raja Daud dob ituduh nabi Natan dousani, mamintor iahap do janah isopotkon bani Naibata. Seng ipadokah-dokah be iakuhon janah isopotkon ma ganupan. Ipindo ma hasasapanni humbani Naibata. Jadi isasap Naibata ma dousani. Mulak ma mardamei ia pakon Naibata, mulak ma sonang uhurni.

Naibata naijia ai do Naibatanta sonari. Anggo tarsor mardousa ham, ulang hasipkon ham, ulang padokah-dokah ham, mintor roh ma ham hubani Naibata. Pajojor ham ma ganupan bani Naibata. Sopotkon ham ma dousamu ai, marjora-jora ma ham ilobei ni Naibata, pindo ham ma hasasapanni. Ra do Naibata manasap marhitei Tuhan Jesus. Jadi dob sasap dousamu, mulak ma sonang ni uhurmu, mulak ma damei ni uhurmu. Hataonkonni ma bamu: Domma sasap dousamu, mardamei ma ho mulak, ulang nunut be mardousa.

Iahap ham ma sonang dob sasap dousa, roh ma malas ni uhur. Roh ma uhur na martarima kasih pakon na mamuji Naibata. Pindoonta ma homa ase ipargogohi hita mangimbang dousa pakon sagala parlajoan.

 

Ham Tuhan Naibata! Banggal do idop ni uhurMu bani pardousa banggal on, napuji ma goranMu na pansing in. Amen.

Haleluya No. 128 :1-3: O Jesus na Pagoluh au >>

1. O Jesus na Pagoluh au, Anak ni Naibata.
Holong atei-Mu togu au, ondos bai Naibata.
2. Tongon sonang do uhurhin mardingat layak-Mu;
Ai Ham do hagoluhankin bani parmatei-Mu.
3. Anggo domma manosal au halani dousakin,
iipuk daroh-Mu do au anggo hudingat in.

tnt160515

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s