Mei 21: Asok Marsahap

tnt_mei21_angetmarsahap

 

“Ingat nasiam sanina na hinaholongan, ganup halak lambat ma marsahap”. (Jakobus 1 : 19)

Bani terjemahan baru ihatahon, “Ingat nasiam ma, nasiam sanina na hinaholongan: Ganup halak, ……asok marsahap”. Buei do jolma na ringgas marsahapi, seda halani dong na porlu bona ni parsahapan sipatorangon, sedo, homa sai hata na mararti atap na marnidok niluarhonni.

Lanou do jolma sibuei sahap, ipansahapkon pakon na so porlu. Dompak halak sisonai ai ma iluarhon Apostel Jakobus hata na tarsurat iatas in “lambat ma marsahap” (terjemahan baru, “asok marsahap”), seng ihatahon lampei marsahap. Artini ulang ma pala piga sahap. Anggo bueitu ma sahap seng be maharga sahap ai.

Sanggah buei samasam barang i tiga, hurang ma harga ni barang na samasam ai, sanggah bueitu duit marimbang barang lambin lang maharga be duit, inflasi (bueitu) gan duit ai. Sonai do sahapta anggo bueitu (inflasi) seng maharga.

Podah ni na matua pe sapari: Palobei nadilat bibir ase naluarhon hata, nini. Artini pangkei lobei nauhuri siluaronkon. Ihata halak do anggo dong sihertep bibir na songon hudon nagoraja palobei bibir.

Anggo dong naborita sibuei hata ai, pindo hita ma bani Tuhanta ase iajari hita mangantan hatanta. Seng dear maunjahtu hita bani duit, sonai do seng dear maunjahtu hita bani hata. Nini gurunami sahali dompak sada anak sikolah guru: “Paima marsahap ho huagan do ho na maruhur, tapi dob marsahap ho ijai ma hubotoh na bodoh do ho hape”.

Jolma na bueitu marsahap iparlajari ma manangihon sahap ni hasoman pakon mamingkiri. Tarlobih sahap na maratur, ambilan atap lesing. Porlu sabar hita manangi-nangi. Sahali-sahali gelah namin marsahap, asal tudu namin bota-botani, na porngisni haluar, na boi patorsahon na legan.

Hudidah bani deba ianan, mangapoh na matean gan: Marompot mandoding, marompot marambilan, marompot martonggo. Ninuhurhu ra dear do ijai dong panorang sipsip, ra dihut do ai mangapoh na matean ai.

 

Ham Tuhan Naibata! Bere Ham ma pasu-pasumu bani hatangku pakon parsahapanku ari-ari, ase boi gabe pasu-pasu bani na legan Amen.

Haleluya No. 46 : 2.4: Satahun Use Ma Surutni >>

2. Porini matei au sonari, huja ma nani tonduyhin?
Bia hasonangan holi nani rap pakon na mapansing in?
Mamuji Naibata do ahu, ibaen holong ni atei Niin
Atap na hona uhum ahu bai apuy na so miloh in
4. Dousangku seng be tarbilangi, hubahen sain dokahni in.
Na dong tarhira be layak ni Tuhanta Jesus na dob in.
Seng ibalaskon Ham, Tuhanku, hu bangku songon dousangkin.
Lumbang do uhur-Mu hu bangku paidah-idah gabeihin.

tnt160521

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s