Mei 9: “Gabe Paridop ni Uhur ma Nasiam”

tnt_mei9_maridopuhur

 

“Gabe paridop ni uhur ma nasiam songon Bapa nasiam paridop ni uhur in!” (Lukas 6: 36)

Maridop uhur sedo dompak na dob mambahen na madear banta atap dompak na mangkaholongi hita. Maridop ni uhur bani halak parjahat, bani halak pargoluh na galir, bani na marhasunsahan na porlu dapotan idop ni uhur. (Ibagas Alkitab bahasa Indonesia isobut, “Hendaklah kamu murah hati, sama seperti Bapamu adalah murah hati.“)

Ia halak paridop ni uhur, ai ma halak na dob manjalo idop ni uhur humbani Naibata: “Gabe paridop ni uhur ma nasiam songon Bapa nasiam paridop ni uhur in“. Pasal Bapanta Naibata ihatahon do: Ipapoltak do mata ni arini bani paruhur na jahat pakon na madear, ibere do udan bani na pintor pakon na so pintor.

Ase na maridop ni uhur, ai ma sada tanda pargoluhon ni hita Kristen, ai hita pe mamorluhon idop ni uhur do ari-ari ibagas goluh on. Mangkawah ma hita bani Naibata, sonaha paridop ni uhur-Ni banta ari-ari. Songon hita na mamorluhon idop ni uhur ari-ari humbani Naibata, sonai do hasoman buei dong na mamorluhon idop ni uhur humbanta.

Ipindo uhur ni Naibata, maningon manusur banta na maridop ni uhur ai songon Naibata na maridop ni uhur ai, ase sintong hita anak ni Naibata, ididah halak na maniru Bapani (Naibata) maridop ni uhur.

Mardousa pe hita tong marulak-ulakan uhur-Ni na maidop ai banta. Sihol sonai ma hauhuronta ipindo Naibata dompak siidopan na i tongah-tongahta. Anggo dong uhurmu na maidop ai, sedo na hurang siidopan: kuria in, na mamorluhon partolongan.

 

Ham Bapanami na i nagoriatas! Porlu do hannami idop ni uhurMu ari-ari. Hurang do holong pakon idop ni uhurnami bani saninanami. Maidop ma Ham bere Ham ma bannami uhur na maidop ai. Amen.

Haleluya No. 194: 1,3: Sai Sihol Usihanku >>

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s