13 Nopember: Dihut Pamantinhon Dunia On

tnt_nov13_garamnidunia

Hanima do garam ni dunia on! (Mateus 5 :13a)

Garam ni dunia on do halak Kristen (susian ni Tuhan Jesus), halani pargoluhonni mangirikkon Tuhan Jesus, na dob mantaluhon dunia on. Humbani Tuhan Jesus ijalo gogoh mantaluhon dunia on. Itompa do ibagas uhurni, uhur na gara pakon porlu niuhur mandalankon harosuh ni Naibata. Siap sogod do ipungkah mamakei ari-ari marhasoman Tuhan Jesus. Marhitei hata ni Naibata pakon pasu-pasuni ampa tonggoni, ipungkah horjani.

Ibere Naibata gogoh bani na galek ai. Pargoluhonni pe manaksihon do paboa boi do Tuhan Jesus Kristus membere gogoh mangimbang dousa. Halani parlahouni tartogu halak hubani Kristus. Age pe roh bani sitaronon atap tarsaor ia mardousa, boi do Kristus paborsih uhurni janah mulak mardamei pakon Naibata.

Marhitei parlahou na sonai ai ma gabe garam ni dunia on halak Kristen. Garam pamantinkon sipanganon do ai. Ningon roh mantinni parsaoran ni jolma marhitei halak Kristen na porsaya. Mahol do masik ikan asin, halani na ipoda ai bani garam, sonai do Kristen boi padaohkon parlahou pakon uhur na busuk, na pamasikkon masyarakat.

Anggo garam seng taridah ai bani gulei atap lowoh na ginaraman, tapi nadai do mantini halani garam ai. Ningon sonai do Kristen garam sedo patidakkon dirini, seng ra is pajuntul-juntulhon songon mata ni balang. Age ulang taridah, tapi mardai Kristen sahapta, parlahouta pakon parsaoranta.

I dunia on do hita garam, artini ningon garam do hita bani Pamarentah, bani sagala lapisan nipargoluhon: na bayak, na masombuh, na pentar, na bodoh. Ningon ganup Kristen pamantinkon goluh on. Sedo pitah bani na jorgit dihut do bani na boritan pakon na marsining.

Tarima kasih ma Bamu Naibata, halani dihut hanami bastu ibahen Ham pamantinkon (patorsahon) dunia on. Bahen Ham ma Hanami gabe pasu-pasu bani na legan. Amen.

Haleluya No. 141 :1, 3: Jesus Raja ni Kuria >>
1. Jesus, Raja ni Kuria, na pansing janah porsaya.
Pasu-pasu Ham au on.
Sai papuho Ham uhurhu, mangirikkon Ham Rajangku,
Pargogohi Ham au tong, pargogohi Ham au tong.
3. Pangku-Mu paluah Ham ma humbai begu-begu setan,
pakon uhur daging in
Ham tumang ma, ale Tuhan malas uhur ni humpulan.
Na manjujung Goran in, na manjujung Goran in

14 Nopember: Sai Ulang ma Mambar Daimu >>

<< 12 Nopember: Mandompakkon Sitaronon

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s