16 Nopember: Manasap Dousa ni Hasoman

tnt_nop16_mandandasakahdiri

 

Ai anggo isasap hanima salah ni halak dompak hanima, sasapon ni bapanima na i nagori atas ia do age dousanima. (Mateus 6 :14)

Anggo ipindo hita hasasapan ni dousanta humbani Naibata, ipindo hita do ijai use ulang be lanjar ipadingat-dingat Naibata dousanta ai age ronsi antigan. Sonai do pangindoan ni hata in, ase isasap hita salah ni hasomanta, ase ulang be ipadingat-dingat hita, ase lupa ma hita pasal ai. Bani tonggo “Ham Bapanami” ipodahkon Tuhan Jesus banta, ase sonon pangindoanta: “Sasap Ham ma dousanami, songon panasapnami bani dousa ni hasoman na mardousa dompak hanami”. Ase songon panasapta do. Ai do gabe suhat-suhatni.

Ase anggo seng botul isapsap hita salah ni hasomanta banta, sonai ma seng botul isasap Naibata dousanta. Sada parinangon mangindo bani panditani, ase itonggohon pandita ai hubani imbang-imbangni maringor (martinggil). Nini pandita ai: Sasap ham ma salah ni hasomanmu ai humbagas uhurmu! Seng ra ia halani parahni iahap, tapi igogohkon do ase itonggohon pandita ai ia. Laho ma sidea hu gareja, martonggo ma sidea tonggo “Ham Bapanami” ibobahon pandita ai. Tapi dob das bani hata pangindoan ai “Sasap Ham ma dousanami songon sip ma pandita ai. Lanjar sip. “Amen” pe lang ihatahon. Roh ma use parinangon ai manungkun: Mase lang idaskon ham pandita tonggonta ai? Mabiar ahu lalab lang isasap Naibata dousamu, gabe hu hamagoan ham, ai seng ham ra manasap salah ni hasomanmu na dompak ham. Balosni: “Husasap pe pandita toruskon ham ma tonggonta, gabe itoruskon sidea ma tonggo ai.”

Mananda salah ni hasoman urah do, tapi mananda salah diri mahol do, halani napaetek do tong salah diri, naapiti do diri-diri, ra dihut do ai deba halani gijang ni uhur. Ase mansopotkon salahta pakon dousanta pe hita hubani Naibata, ulang itading-tadingi hita, ai iponopkon hita pe talar do ai bani Tuhanta.

 

Ham Tuhan Naibata, patoruh Ham ma uhurhu, mananda hahuranganku, salahku pakon dousangku. TonduyMu ma suruh Ham bangku, ase hudidah ganup salahku, hahuranganku. Urupi Ham ma ahu sasap Ham ai haganupan halani Tuhan Jesus Kristus Anakmu na pansing in. Amen.

Haleluya No. 150: 1-3: Lauja do Ho na Loja in >>
1. Lauja do ho, naloja in, binaen ni dousamin?
Seng jumpah ho na sonang in, i parlajanganmin
halani in, sai mulak ho!
2. Ompaskon pusok uhurmin bai Tuhan Jesus in.
Sai boban ganup dousamin bai Sipagoluh in.
Nai ma tongon, sai roh ma ho!
3. Ai Jesus do padamei ho na loja in tongtong;
Ai anggo lang hujin ho roh, manaron ma ho tong.
Halani in, sai roh ma ho.

17 Nopember: Manasap Dousa ni Hasoman (2) >>

<< 15 Nopember: Anggo Lang Hita Marsinalsal Be

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s