26 Oktober: Ase Talar Horja ni Naibata Banta

tnt_okt26_sitaronon

Guru, ise do na mardousa mambahen pitung ia tubuh? Sedo halani dousani barang dousa ni namatorasni, tapi gendo talar horja ni Naibata bani”. (Johanes 9: 2, 3)

Na mamontas do Tuhan Jesus gabe ididah ma sahalak na mapitung humbani partubuhni nari. Seng dong ipindo namin ase itambari Jesus ia, tapi maidop uhur ni Tuhan Jesus, gabe itambari. Marpangidah ma matani gabe gok ma malas ni uhurni. Ambah ni ai dihut do use mata ni uhurni marpangidah, gabe ibotoh Jesus ai, ai ma Kristus (Mesias) na pinarbagah in. Malas ni uhur banggal ma bani ai marpangidah ma mata ni badanni ampa tonduyni.

Sonaha do Iobei uhur ni na mapitung tubuh ai? Hasomanni marpangidah, ia lang, Hata ibogei rupa lang ididah. Sedo gakni tene na holong uhur ni Naibata mangidah ahu, halak bodak diri mapitung? Sonai ma lobei uhurni sanggah mangindo-indo ia ope. Tapi sonari mangarti ma ia na holong do uhur ni Naibata bani, pitungni ai do mambahen roh pasu-pasu bani, dob pajumpah ia pakon Tuhan Jesus. Ipabodak ma mata ni pamatangni ampa mata ni tonduyni, gabe itanda ma Kristus, gabe talar ma horja ni Naibata bani.

Pitung atap nengel atap Iongah pe ham, dong do tujuan ni Naibata pasal ham. Ase talar horja ni Naibata bamu. Ase talar horja ni Tuhan Jesus bamu, na dob matei la mangkopkop ham. Ase tangkas itanda ham holong ni atei ni Naibata na ibagas Jesus Kristus bamu. Sagala hahurangan na roh banta, hitei ni Naibata do ai mangojur hita roh bani Tuhan Jesus.

Ase bani sagala sitaronon na roh bamu, porlu dapot uhurmu on: Ase talar horja ni Naibata bangku. Sai iurupi Tuhanta ma hita, ase ididah hita tong pasu-pasu ni Naibata ibagas sagala hasunsahanta, barang sitarononta. Halani ai maningon sabar do hita manaron sitaronon, ase lambin talar banta horja ni Naibata, na marhitei Jesus Kristus Sipaluah in.

Ham Tuhan Jesus! Ham do doktor paridop ni uhur, na boi manambari naborit ni pamatang ampa tonduy. Tarima kasih ma Bamu ipatalar Ham horja ni Naibata bangku. Amen.

Haleluya No. 129: 1, 2: Ai Jumpah Au na Holong Atei >>

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s