7 Oktober: Naibata manuan, Naibata do pasaudkon, hita …..

tnt_okt7_naibatadomandobkon

 

“Hatengeran ni uhur do Ia (Naibata) na dob mandilo nasiam sai pasaudonni do ai”. (1 Tesalonik 5: 24)

Ibasa hita do bani Galatia 5: 22: “Tapi on do buah ni Tonduy: haholongon, malas ni uhur, damei, lumbang ni uhur, habasaron, halayakon, hatengeran ni uhur, halamlamon pakon manrajai diri”.

Jadi sungkunonta ma dirinta: Parholong do ahu, huhaholongi do bapa pakon inang ampa hasoman na legan? Na basar do ahu dompak ganup na huparsaorhon? Huhaholongi do na marsogam ni uhur bangku?

Ipingkiri hita do pasal hata malas ni uhur: Marmalas ni uhur ma nasiam tongtong ibagas Tuhan in, huulaki mangkatahon marmalas ni uhur ma nasiam!” lahap hita do seng sadiha malas ni uhur ibagas uhurta mangidah holong ni atei ni Naibata. Sonai do homa pasal hata damei.

Gati do uhurta igoki hasompitan pakon pansarihon na marbagei-bagei. Martorap manungkun uhurta: Domma nani saud isasap Naibata dousangku ?

Sada na porlu botohonta: Ia haholongon, haporsayaonta ampa pangarapanta, sonai age damei, sedo na tinombeita, sedo ai pinungkahta. Tapi pinungkah ni Naibata do. Jadi anggo Naibata do mamungkah ai, Ia do homa mandobkon. Sedo parhorja na sagang Naibata, pasaudon-Ni do ai, artini dobkonkon-Ni do ai.

Na porlu banta manjaga suan-suanan ni Naibata na ibagas uhurta ai do, ai ma sagala na madear na dob isuan Naibata hubagas uhurta. Sagala na hurang dear ope, padearon ni Naibata do ase dob. Halak pardousa do hita. Sagala uhur pakon pingkiran na madear na dong banta sonari, pingkiran na mardomu bani harosuh ni Naibata, sinuan ni Naibata do ai hubagas uhurta. Horjanta manramotkon suan-suanan ni Naibata na ibagas uhurta ai do. Ulang paturut hita galek atap matei pingkiran pakon uhur na madear ai na binere ni Naibata banta. Ra do Naibata mangurupi hita manramotkon ai, asal ipindo hita.

 

Tarima kasih ma Bamu Naibata, halani na dob idilo Ham hanami hu Bamu. Isuan Ham do uhur na madear hubagas uhurnami, urupi Ham ma hanami manramotkon ai, gabe hasangapon-Mu. Amen.

Haleluya No. 151: 1, 3, 4 Dong do Bah Tubuh Dear in

1. Dong do bah tubuh dear in, bai na mardousa in;

Jenges tumang bah tubuh in, pasonang uhurhin.

3. Ai daroh ni Tuhanta in, in do bah tubuh in,

durus i Goigata do in, manghopkop hila on.
4. Ai ma tongon, ai dihut au gabe pansing homa,
ai holong-M u berean au, ampa na roh homa.

8 Oktober: Porluan Ope na Pasomal-somalhon (Disiplin) Tonduy >>

 
<< 6 Oktober: Mase otik malas ni uhur bani na manjalo Ambilan Na Madear?
 
tnt1601007
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s