10 September: Ipuking ham pe seng marguna anggo lang ipasu-ipasu

tnt_sep10_horja-pkn-pasupasu

 

“Soya tumang do girah nasiam puho laon-laon nasiam modom, laho mangankon ruti hamarsikon, ibere do bani kasihanni sonai sanggah modom sidea” (Psalm 127: 2)

(Terjemahan Baru, “Soya-soya do age girah hanima puho anjaha dokah borngin ase modom, mangankon ruti na hinalojahon bani na hinaholonganni do ibere sanggah modom”).

Gati do sunsah tumang uhur mansarihon goluh ari-ari on. Ai gati horjanta lang marhasil atap soya tumang ganup.

Anggo iahap ham ihaholongi Naibata do ham, ompaskon ham bani Naibata sagala na sinarihon ni uhurmu, ai isarihon do ham. Mase lang iondoskon hita ganup bani Bapanta na i nagoriatas ai?

Igomosi ham pe marhorja, ipakei ham panorang ronsi bagas borngin aturan parpodomonkon namin, gendo tartolong namin goluh on, janah ipagirah ham puho, tapi gati seng martolong ai. Deba lambin sosak do use. Ra ninta: Rahanan do napasoh, napamuap, manlompit tangan, mardahop tubuh?

Ai pe lang. Ningon marhorja do hita, tapi naondoskon ma horjanta ai bani na mambotoh haganup na porlu banta janah na marholong ni atei banta, ai ma Naibata.

Hata na sintong do on janah hatengeran ni uhur: Bereon ni Naibata do sagala na porlu bani na hinaholongan-Ni. Domma ibere banta Anak hinaholongani gabe Sipaluah hita, ai ra lang ibere rapkonsi sagala na porlu banta?

Marhorja anjaha marhorja ma hita mardingat janah mangajamkon holong ni Naibata na mamasu-masu horjanta ai. Hu Bani ma laho tenger ni uhurta, na mansarihon hita. Pindoonta do hu bani Naibata, ase ipatenger uhurta bani pansarihon-Ni banta bani sagala hahuranganta bani goluh parsatongkinan on. Ambit ipuking ham pe mangkorjahon horjamu, seng marguna anggo lang ipasu-ipasu Naibata, soya tumang do.

Halani ai pasu-pasu ni Naibata do siaraponkonta bani sagala horjanta, sedo gogohta atap hapandeanta. Tapi maningon marhorja do hita mamakei panorang na patut, na binere ni Naibata banta. Na so ra marhorja, ulang ma ia mangan, nini Apostel Paulus.

 

Ham Tuhan Naibata, sai tenger ma uhurnami bani pasu-pasumu ibagas sagala horjanami, ai dihut do ai hitei-Mu mansarihon hanami. Amen.

Haleluya No. 190: 1,2: Marhorja pe Hapeni >>
1. Marhorja pe hapeni ganup partidah in
Hape anggo jadini bai Naibata do in
Ibahen milas ari marudan namur pe
Tongtong pasu-pasu-Ni marguru Bai hape
Ganup halayakon ibere Naibata
In pe tenger uhurmu da bai Tuhan Naibata!
2. Humbani Naibatanta sagala na dong in,
‘ge horsik sangkamata, ganupan tanoh in.
Tinompa ni Hata-Ni marbulung hayu in.
Sonai age buahni ‘pa bunga-bunga in.
Ganup halayakon ibere Naibata
In pe tenger uhurmu da bai Tuhan Naibata!

11 September: Marosuh Mandalankon Titah >>

<< 9 September: Anggo Ipasuhi Naibata Hita

tnt160910

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s