11 September: Marosuh Mandalankon Titah

tnt_sep11_malasniuhur-mandalankon-titah

 

“Tapi domma lopas hita humbani titah ai domma hita matei, maluah humbani titah ai na manjolom hita hinan, ase marparlahou hita ibagas aturan baru ni Tonduy ulang be marparlahou na buruk mangihutkon surat (ni titah) in”. (Roma 7: 6)

Na pansing do titah ni Naibata, seng boi mubah ai, seng boi sasap. Haganup jolma do patut mandalankon titah ni Naibata. Tapi barang ise na manguji mandalankon ai iahapkon ma maholni.

Dong do halak na manguji mandalankon titah ni Naibata, ase sonang janah mardamei uhurni namin, tapi seng dapotsi. luji sihol mandalankon Titah na Sapuluh in, ihorom sagala nilarang in titah ai, iuji mandalankon ase romban goluhni bani titah ai na dob tarsurat homa ibagas uhumi. Buei ma sungkun-sungkun tong roh hubagas uhurni: Boi do on, boi do an bahenon? Mangunduk ma ia tong bani titah ai, songon jabolon na mangunduk bani tuanni. Songon na iodohkon titah ai do ia iahapkon, songon pasangan ni gareta na niodohkon ni muatan.

Seng be dong nani dalan maluah humbani titah in?

Tarima kasih ma bani Naibata na mambahen dalan baru marhitei Jesus Kristus. Na manjalo Kristus hubagas uhurni lang be songon pasangan titah ai bani, marosuh ma ia mandalankon, malas ma uhurni mandalankon, magigi ma ia anggo ilanggar hasoman titah ai, mardomu ma uhurni pakon harosuh ni Naibata na pansing ai.

Anggo harosuh ni Naibata na borsih janah na pansing do ai. Jadi halani holong ni uhurni bani Naibata, malas ma uhurni mandalankon titah ai. Halani iihutkon hita Kristus ibuat do borat ni titah ai humbanta. Anggo isuruh tuanni jabolon mangosor-osor huda tambatanni, iosor do tongon asal mosor, atap tudu na mombur gagaton ni huda ai seng iparduli, tapi anggo anakni isuruh mangosor-osor huda ni sidea ai, tangkas ma ipilih humbil na mombur gagatonni, ulang merung huda ni sidea ai, ai dihut do ia simadasi. Halani holong ni uhurta bani Naibata na dob marsuruh Jesus Kristus manobus hita, sai bahenonta do malas ni uhurni, sonai do age na mandalankon titah ai.

 

Ham Tuhan Naibata! Suruh Ham ma Tonduy-Mu bangku, ase huahap naija malas ni uhur-Ni ibagas Jesus Kristus. Pamalas ham uhurhu mandalankon titah-Mu na pansing ai. Amen.

Haleluya No. 109 : 2, 3: Batu Gingging Ham Tongon >>
2. Na nidok ni titah in, mahol mandalankon in.
Halak na ringgas botul, pala tangissol bujur.
Na dong sasap dousain, halani pitah sonin,
3. In pe misir mando au, lao hu dolog Golgata.
Bani hayu silang-Mu, ale Jesus Tuhankin!
Ulang tulak Ham hunjin, au na pusok uhur in.

12 September: Kuasa ni Dosa pakon Jolma na Baru >>

<< 10 September: Ipuking ham pe seng marguna anggo lang ipasu-ipasu

tnt160911

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s