17 September: “Hahologi Hanima ma Munsuhnima”

tnt_sep17_mat5_44_45

 

“Tapi Ahu mangkatahon bennima: haholongi hanima ma munsuhnima, tonggohon ma halak na marburu hanima, ase gabe anak ni Bapanima na i Nagoriatas ai hanima”. (Mateus 5 : 44.45)

Yahudi mangkatahon: haholongi hasomanmu, domdomi munsuhmu. Sonai do homa pandapot ni jolma bani panorangta on.

Sonai do homa pandapotmu? Anggo sonai lape ham botul susian ni Tuhan Jesus.

Ai Ia mangkatahon: Haholongi munsuhmu. Anggo Tuhanta ihaholongi do munsuhni, sihol urupanni sidea pala matei Ia mangkopkop sidea.

Ia munsuhmu ai ninuhurmu, lape tontu atap salahni ai homa, atap halani na so ibotoh do. Anggo tongtong idomdomi munsuhmu ham, tongtong ma haholongi ham sidea. Tongtong ma dear parlahoumu dompak sidea. Anggo sogam pe uhurni dompak ham, tonggohon ham homa ase isasap Naibata dousani ai.

Sonaha, domma sonai pandalankonmu bani goluhmu? Sonaha domma marulak-ulak sonai ibahen ham dompak imbangmu? Anggo sihol sintong ham susian ni Tuhan Jesus, hawajibanmu do manggoluh songon Tuhanta.

Tongon na mahol do ai. Pindo ham ma gogoh hubani Tuhanta pakon ringgas ni uhur laho mantaluhon dirimu, janah ibere bamu, songon uhur ni Kristus. Itangihon do tonggo sisonai ai janah malas ma uhurni anggo boi ham mangkaholongi munsuhmu. Hataonkonmu ma: “Haganup do tarbahen ahu marhitei Kristus na margogohi ahu”. Marhitei gogoh na humbani Kristus tardalankon hita ai haganupan.

Podah ni Tuhan Jesus na tarsurat bani ayat na i atas on ma sada tanda paboa sedo hun dunia on Tuhan Jesus pakon podahni, ai seng dapot uhur ni pardunia on sonai, padohor pe lang be podah ai marimbang na somal itangar hita podah ni jolma humbani sapari ronsi nuan on. Hasoman do sihaholongan, anggo munsuh siimbangon do, sonai do hansa dong podah ni jolma.

 

Ham Tuhan Jesus! Parholong atei na tarsulur. Sasap Ham ma dousanami, hurang ni holongmami. Tonduy-Mu ma bere Ham bannami ase marholong na botul hanami dompak hasomannami janah sanggup homa mangkaholongi munsuhnami. Amen.

18 September: Ibagas Dalan ni Goluhmu do Ai >>

<< 16 September: Marholong, songon holong ni atei ni Jesus

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s