22 September: “…sedo Jahowa ipindahi, rahanan do panambari”.

tnt_sep22

 

“Age ibagas naboritni sedo Jahowa ipindahi uhurni, rahanan do panambari”. (2 Kronika 16: 12)

Buei ma ninuhurhu hita na hona bani hata in. Manggoluh ia lang mar-Tuhan atap jorgit pe ia janah margogoh. Hampung uhurni dompak hata ni Naibata. Seng ipangan uhurni martonggo bani Naibata. Seng itangihon hata na mangkatahon paubah uhurni. Seng iahap dousani. Seng iahap pandilo ni Naibata ase mulak hubani Naibata.

Halak sisonai ai, age boritan ia, seng dong uhurni dompak Naibata, tapi mintor mangindahi jururawat atap doktor do hansa, ai ma iahap na boi mangurupisi. Tapi seng ipindo partolongan ni Naibata bani pamatang pakon tonduyni. Seng porsaya ia na marsahap do Naibata bani marhitei naboritni. Seng ra ia ipaingat Naibata manadingkon dousani janah mulak bani Naibata. Atap hona do ham ibahen hata on ibagas naboritmu, atap sedo Jahowa ipindahi ham, tapi mintor panambar-nambari do hansa. Lupa do ham mangindahi Naibata age sanggah boritan.

Seng na lepak ai ipindahi ham sipamalum badan on humbani sipanambari, na so marsaor uti-utian sapari, atap hadatuon. Tapi ulang ham lupa mangindahi hamalumon humbani Naibata, ai ma hamalumon ni pamatang pakon tonduy. Sagala binahen ni na marpambotoh parhitean ni Naibata do ai homa pamalum ham. Maningon iarepatkon uhurta: Naibata do paturut naborit roh banta, tapi Naibata do homa na pamalumkon.

Tarlobih ma sahit mardondon sai nalajouhon do marbagei-bagei tambar, ibagas panorang sisonai ai ma hita masuk hu parlajoan ni datu atap sibahen uti-utian. Rahanan ma mamintor roh hita hubani Naibata. Bani Naibata dapot hita hamalumon ni tonduyta. Porini dapot homa hamalumon ni angkulanta, gabe marlapis hamalumon ai dapot hita. Ambah ni mulak dear parsaoronta hubani Naibata.

Ham Tuhan Naibata! Itongos Ham do naborit bangku. Marsora ma Ham hu bangku. Sasap Ham ma haganup dousangku. Sai pamalum Ham ma tonduy pakon pamatangku. Amen.

Haleluya No. 148:1-3: Layak do Ham Mambere Au >>
1. Layak do Ham mambere au , O Jesus Tuhankin,
Ihutkon Ham daoh pe au, mambuat uhurhin.
2. Pardousa na banggal do au, pansing do anggo Ham ;
Sai bai na dorsa laho au bai na jahat naman .
3. O Tuhan, husopotkon ma ganupan dousangkin ;
Holong ma Ham, sai sasap ma, Bamu ma tonduyhin.

23 September: Ija do lepak ni on? >>

<< 21 September: “Ulang mulak bani haotoon”

tnt160922

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s