24 September: Dua parlahou na porlu

tnt_sep24_meditasi

 

“Anggo mangila ulang ma mardousa, marpingkir-pingkir ma ham ibagas uhurmu i podomanmu, tapi sipsip”. (Psalm 4: 5)

Naipe aha ope dousa kasihanmu?

Ra manungkun ham sonaha do dalan diri marpingkir-pingkir? Pungkah ham ma lobei humbani titah na sapuluh ai. Pungkah ham nanget-nanget humbani titah parlobei. Pindo ham homa hatorangan ni Toduy na Pansing. Dob ai sungkun ham ma dirimu: Biaran do uhurhu, holongan do ateihu janah tengeran do uhurhu bani Naibata ase bani sagala nadong?

Gati ma dalankon ham sonai, marsahapi pakon uhurmu janah sipsip manangihon sora ni Naibata. Tangihon ham ma atap aha isahapkon Tonduy na Pansing ai hu bamu, hubagas uhurmu. Sonai ma marpingkir-pingkir ham pasal titah paduahon: Dong do nani hugana (hugambar) ibagas uhurhu hatengeran ni uhurhu pansarian atap aha pe? Sonai porini titah patoluhon: Seng nani hampungtu pamakeihu bani goran ni Naibata? Mardousa do ahu dompak titah on?

Sonai ma torus bahen ham das hu ujungni. Jadi holi iahap ham ma panlanggaronmu na dob madabuh ham hubagas dousa. Patoruh janah paunduk ham ma uhurmu ilobei ni Naibata janah mangunduk bani hata-Ni, ingat ma: Ilawan Naibata do sigijang uhur, tapi ipagijang do na toruh maruhur.

Anggo tangkas iahap hita sagala dousanta lang tarbahen lang toruh do uhurta. Anggo manggila hita, gila padearhon ma, sedo gila mamunuh. Anggo sonai, dulmit do hansa gila ai janah tujuan ni gila ai laho padearhon do. Songon gila dompak dakdanakta. Gila na urah mahombun, lang pala matei mata ni ari mahombun ma ringista. Natonggohon ma ginilaan ai.

 

Ham Tuhan Naibata! Anggo porlu tumang ma ahu manggila; sai gila holong ma haluar humbani pamanganku. Sai urupi Tonduy-Mu ma ahu mananda dousangku. Sasap Ham haganup dousangku halani Tuhan Jesus. Amen.

Haleluya No. 46: 2, 4: Satahun Use Ma Surutni >>
2. Porini matei au sonari, huja ma nani tonduyhin?
Bia hasonangan holi nani rap pakon na mapansing in?
Mamuji Naibata do ahu, ibaen holong ni atei Niin
Atap na hona uhum ahu bai apuy na so miloh in
4. Dousangku seng be tarbilangi, hubahen sain dokahni in.
Na dong tarhira be layak ni Tuhanta Jesus na dob in.
Seng ibalaskon Ham, Tuhanku, hu bangku songon dousangkin.
Lumbang do uhur-Mu hu bangku paidah-idah gabeihin.

25 September: Roh Mulak Hubani Naibata >>

<< 23 September: Ija do lepak ni on?

tnt160924

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s