3 September: Margogoh ibagas na so margogoh, marhitei ….

tnt_sep3

 

“Dearan ma hupuji bangku halani hagalekonku, ase sorap hu bangku hagogohon ni Kristus”. (2 Korintus 12: 9)

Songon na suhar do namin tangaron hata ni Apostel na bani ayat na iatas in. Ipuji bani halani hagalekonni, ibagas ai do sorap hubani hagogohon ni Kristus, gabe margogoh ma ia na galek ai.

Anggo iahap hita margogoh do hita mangimbang parlajoan, mangimbang dousa, ijai ma hita talu. Tapi anggo iahap hita hagalekonta, gogohta na so tuk mangimbang dousa pakon parlajoan, mangunsandei ma hita bani Tuhanta na margogoh ai gabe monang ma hita, songon na margogoh.

Na dob iahapkon Apostel Paulus do na isuratkon iatas on. Marhitei gogoh ni Kristus do boi mantaluhon sibolis pakon setan-setanni. Iahap Apostel ai do sorap hu bani gogoh ni Kristus ibagas paruntolonni laho mantaluhon haganupan ai halani holong ni atei ni Naibata.

Ase ulang ma iparsidalian hita hagalekonta mangimbang dousa atap parlajoan pe. Dohori hita ma Tuhan Jesus na margogoh ai mangindo mangurupi pakon gogoh. Ahaponkonmu do holi ibagas na so margogoh ai do ham monang, ai gogoh ni Kristus ma ipangunsagahon ham. Tuhan Jesus mangkatahon: “Ise na totap ibagas Ahu anjaha Ahu ibagas dirini, ai ma na ramos marbuah, ai seng tarbahen hanima age aha anggo seng rap pakon Ahu” (Johanes 15: 5).

Na parlobei na porlu banta, mangahapkon hagalekonta do. Anggo seng iahapkon bagalekon diri seng porlu diri mangindo gogoh. Anggo seng iahapkon halak naboritni, tontu seng porlu uhurni martambar. Pindoonta do bani Naibata ase itongos banta Tonduy na marpangahapan. Age iahap hita hagalekonta janah mangarap bani hagogohon ni Kristus.

Na mangahapkon hagalekonni do ipargogohi Tuhanta, tapi na mangahapkon hasurunganni, itaruti Tuhanta do.

 

Ham Tuhan Jesus! Na galek do hanami, na margogoh do Ham. Marianan ma Ham ibagas uhurnami ase margogoh hanami manlawan sagala dousa pakon parlajoan. Amen.

Haleluya No. 119 :1, 2: Bintang Pambobai >>

1. Bintang Pambobai Batu Gingging in
Tungkot sijolomon bai na landit in
Ruti hagoluhan bah na torsuk in
Alat situjuan in ma Jesus in.
Alat situjuan in ma Jesus in.
2. Ham tongon gogohku, pangajamankin,
damei ni uhur-Mu, hasonangankin
Goluh ni tonduyhu, hatuahonkin,
in ma alo Tuhan; Ham tumang do in.
in ma alo Tuhan; Ham tumang do in.

4 September: Horja Zending GKPS >>

<< 2 September: Dong do na boi horjaonkon ni ganup Kristen

tnt160903

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s