7 September: “Marhitei hatamu do ho uhumonni”

tnt_sep7_buahnamadeqar.jpg

 

“Ai marhitei hatamu do ho pintoranni, anjaha marhitei hatamu do ho uhumonni”. (Matius 12: 37)

Sonaha do arti ni on bani ari paruhuman magira ai? Marhitei hata na haluar humbani pamanganta hita pintoranni atap uhumonni.

Ai lang halani idop ni uhur-Ni do hita maluah? Sedo halani horjanta atap hatanta pe. Tongon do halani idop ni uhur ni Naibata do ase saud hita maluah marhitei haporsayaon bani pangkopkopon ni Jesus Kristus bani dunia on. Ipajongjong hita do pangarapanta bani partobuson ni Jesus Kristus ai ma onjolan ni haporsayaonta, onjolan na legan seng dong.

Anggo sonai sonaha ma uhuman hita marhitei hatanta? Ai ma bani hatanta atap parsahapanta ampa pangakuanta, pangakuanta pasal hata idop ni uhur ai atap lang. Na dob manjalo hasasapan ni dousa gabe bayu do uhurni. Uhur na bayu ai pe sibere-bere ni Naibata do. Uhurmu domma gabe rumah ianan ni Tonduy na Pansing. Uhurmu pakon parsahapmu pe lang be marsaor dousa, tapi sahap harosuh ni Naibata ma. Ia goluh na pansing pakon hata na pansing, ai pe sibere-bere ni Naibata do. Jadi anggo hayu na madear, madear ma homa buahni. Sonai ma anggo uhur igoki holong bani Tuhan Jesus Kristus, ai ma patubuh goluh pakon hata na madear. Tapi anggo seng madear hayu ai buahni pe seng madear homa.

Sonaha do hatamu, haluar do ai humbani goluh na baru na dob tubuh paduahalihon? Ipindo ham do ase ipareksa Tonduy ni Naibata sagala hata na haluar humbani pamanganmu ? Ia hata ai patugahkon isi ni uhur do ai namin. Ase anggo ipintori atap iuhumi hita marhitei hatanta, artini ai iuhumi do hita atap ipintori marhitei hauhuronta, ai do.

 

Ham Bapanami na i nagoriatas: Tompa Ham ma uhur na bayu ibagas diringku, ase sintong homa hatangku, manluarhon isi ni uhurhu. Amen.

Haleluya No. 5: 1,6: Hupuji Holong ni Atei-Mu >>

1. Hupuji holong ni atei-Mu, o Tuhan Jesus Rajangkin
Bamu huondoskon tonduyhu, ai do napinindo Mu in
Huhalupahon ma diringku mamingkir holong ni atei-Mu,
6. 0 Jesus, GoranMu uhirhon, bagas, torang bai uhurhon-,
Ase tarsurat ilobeihu holongni ateiMu tongtong,
Hatangku ampa parlahouhu, ningon ipuji do GoranMu.

8 September: Lang Patut Hita Mangkatahon, Nasip >>

<< 6 September: Mase otik pasu-pasu ni Naibata iahap hita?

tnt160907

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s