9 September: Anggo Ipasuhi Naibata Hita

tnt_160909_mase-ipasuhi-ham

 

“Iboan ma ia hubani na suhi, ganggang humbani na mabuei in”. (Markus 7: 33)
(Lengkapni humbani terjemahan baru, “Jadi iarahkon Jesus ma ia hubani na suhi, holang humbani halak na mabuei ai; ipamasuk ma jari-jarini hubagas pinggol ni halak ai, martijur ma Ia anjaha ijamah ma dilahni”. – Markus 7: 33)

Iboan Tuhan Jesus do halak na nengel ai suhi, ganggang humbani na mabuei in, laho ungkabonni pinggolni, laho harharanni panrahut ni dilahni.

Gati do ipasuhi Naibata hita anggo laho bereonni banta pangurupi atap pasu-pasu na banggal, atap sihol harharanni hita humbani panrahut ni sibolis, na manjolomi hita poltik.

Ongga do ham ipasuhi Naibata humbani na mabuei in? Sanggah boritan ham ipasuhi do ham humbani na mabuei, ipasuhi kawan-kawanmu. Ra do ingat sahalak ham hansa lungunan.

Tapi sedo sahalak ham Naibata do hasomanmu: Sihol Naibata ampa ham padua-dua sihol bereonni bamu pasu-pasu, ai do ase ipalegan ham, sihol parsahaponkonni ham. Buhai ham ma uhurmu, ahaponkonmu ma dohor Naibata. Gabe tubuh ma uhurmu mangkatahon songon par-Psalm ai: Seng dong na songon Ham ale Jahowa i tanoh on. Atap na nengel do ham mambogei sora ni Tonduy na Pansing tahun on. Atap na nengel do ham sanggah ipio hata ni Naibata ham paubah uhur janah mangkaporsayai Jesus huan-kuan ni pardousa.

Iarusi ham do ipasuhi Naibata ham martorap? Ase ibuhai pinggolmu, ase iahap ham dousamu, ikawahkon Kristus Sipaluah ham pardousa. Ase marsahap do Naibata bamu ase ipasuhi ham martorap, ase padua-dua ham pakon Naibata, martuktodung pakon Naibata, ase ibere bamu pasu-pasu-Ni.

Buhai ham ma uhurmu dompak hata-Ni, gabe bogeonmu ma hata-Ni atap tonah-Ni pasal hasasapan ni dousa ampa holong-Ni bamu. Pamanganmu pe mandoding ma mamuji goran-Ni na pansing ai. Ulang suhar iarusi ham anggo ipaturut Naibata ham suhi martorap. Na sihol do Naibata marsahap dumpar bamu. Tangihon ham ma podah-Ni.

 

Ham Tuhan Naibata! Age ipalegan Ham hu humbani mabuei in anggo porlu ma ninuhurMu. Buhai Ham ma pinggolhu manangar hata idop ni uhurmu pasal hasasapan ni dousa ampa hagoluhan na sadokah ni dokahni, marhitei haporasayaon bani Sipaluah in. Amen.

Haleluya No. 111 : 1, 4: Sai Mulak, Sai Mulak >>
1. Sai mulak, sai mulak na mardagang do ho!
Ai daoh ho nuan, sirang do tuah min.
O pardagang ou! Mulak! Mulak ma ho!
Mulak! Mulak ma ho!
4. Sai mulak, sai mulak, ai na sonang ma ho.
Sahei ma dousamu, dapot pinintamu.
O pardagang ou! Mulak! Mulak ma ho!
Mulak! Mulak ma ho!

10 September: Ipuking ham pe seng marguna anggo lang ipasu-ipasu >>

<< 8 September: Lang Patut Hita Mangkatahon, Nasip

tnt160909

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s